МБУ "Бердигестяхский краеведческий музей им. М.Е. Тимофеева"
Образование · 11 июня 2026 г.
Рубрика #ааспыткэмсонуннара — 11 июня 2026 г. в 00:19:07.890
Рубрика #ааспыткэмсонуннара Кировскайга – “Күүлэй – 1984”, “Күүлэй – 1985” Күүлэй-1984, Атамай сопхуос Кировскай отделениетыгар Кураанах диэн, 100-тэн тахса гаалаах, оҥоһуулаах сиргэ тэриллибитэ. Онно 20-тэн тахса улахан дьон уонна оҕолор тус-туһунан биирдиилээн куоталаспыттара. Биир гаа иэннээх 30-ча сир бэлэмнэммитэ. 30 кыраадыстаах сүрдээх итии, чуумпу күн этэ. Сүөһү өлөрөн эт буһарыллыбыта. 6 чаастаах охсууга ортотугар 1 чаас эбиэккэ тохтобуллаах этэ. Кыайыылаахтарга грамота, мүһэ туттарыллыбыта. Улахан дьоҥҥо сопхуос охотоведа Анатолий Трофимович Петрович 1,07 гааны охсон 1 миэстэҕэ тахсыбыта. 2-с миэстэни (1,05 гаа) Василий Васильевич Леонтьев, оттон 3-с миэстэни, (0,75 гаа) Василий Егорович Кардашевскай ылбыттара. О5олорго 9-с кылаас үөрэнээччитэ Вася Дьячковскай бастаабыта (0,87 гаа). Оттон 2-с миэстэни (0,63 гаа) Вася Мордовской (9-с кылаас), 3-с миэстэни Коля Данилов (8-с кылаас) ылбыттара. “Күүлэй” кыттыылаахтарыгар барыларыгар өйдөбүнньүк бэлиэлэр туттарыллыбыттара. Кыттыылаахтар да, көрөөччүлэр да олус астыммыттара. «Күүлэй-1985» Кировскай отделениятыгар Баҕадьа күөлүгэр тэриллибитэ. 10-нуу киһилээх үс хамаанда куоталаспыта. 5-тии гаалаах сир быһыллан бэриллибитэ. Онуоха 5 гаа сири 3 чаас 15 мүнүүтэннэн бүтэрэн, Кировскай отделениета бастаабыппыт. Оттон иккиһи Атамай сопхуос киин аппарата, үсүһү нэһилиэк иһигэр баар тэрилтэлэр холбоһуктаах хамаандата ылары ситиспиттэрэ. Кировскай отделениетын хамаандатыттан Алексей Семенович Капитонов (хамандыыр), Алексей Петрович Николаев, Николай Егрович Татаринов, Семен Егорович Капитонов уонна Степан Иннокентьевич Заровняев старт бэриллээтин кытта, 500 м. уһуннаах сири атын дьоннорун (В.Н. Аргунов, М.П. Леонтьев, Н.С. Суханов, В.И. Степанов отделение управляющайа И.В. Мордовской) сир ортотугар хаалларан, олус быһымахтык бараннар, оннук тэтимнээхтик бэриллибит сири бүтүөр диэри охсубуттара. Охсо сылдьан көрдөххө, киһи киһиэхэ тэҥэ суоҕа харахха быраҕыллар этэ. Хамыыһыйа чилиэттэрэ охсуу хаачыстыбатын бэрибиэркэлээн, хамаандалар оту охсоллорун ордук сытыырхаппыттара. Дьэ ити курдук 1984-1985 сс. Илииннэн от охсуутугар “Күүлэйдэри” тэрийэн турардаахпын. От охсуута киһини тардар, куоталаһыннаран илин-кэлин түсүһэр, спорт биир ыараҕан көрүҥэ диэххэ сөп. Ол да иһин былыр-былыргыттан сахалар аат былдьаһар “Күүлэйдэри” тэрийэллэр эбит. И.В. Мордовскай 2003 с. “Күүлэй” к үүстээх тэтимэ