МБУ "Бердигестяхский краеведческий музей им. М.Е. Тимофеева"
Образование · 16 июня 2026 г.
#культуравлицах — 16 июня 2026 г. в 00:00:04.144
#культуравлицах Муосчут Иван Федорович Мамаев туһунан Иван Федорович Мамаев 1895 сыллаахха, бэс ыйын 13 күнүгэр Горнай оройуонун II Одуну нэһилиэгэр дьадьаҥы бааһынай кэргэнигэр төрөөбүт. 13 сааһыттан Арҕаа Хаҥалас улууһун баайдарыгар хамначчыттаабыт. Революция кэнниттэн 1919 сыллаахха Казачье с. ас-үөл комитетыгар хара үлэһитинэн, “Холбос” хонтуоратыгар бирикээсчитинэн үлэлээбит. Кыһыл этэрээккэ сылдьыбыт. Салгыы Саха Республикатын Булуҥнааҕы уокуругар Боломуоччуйалаах союз үлэһитинэн, онтон Усуйаанатааҕы добровольческай этэрээккэ оробуочайынан сылдьыбыт. Тарбаҕар талааннаах, айылҕаттан мындыр ууһу таба көрөннөр, Саха АССР сиргэ комитетын систематыгар слесарынан, “Марха” сопхуоска старшай монтажерунан үлэлэппиттэр. Онтон Амма кырыс сирин баһылааһыҥҥа тракториһынан барбыт, тыа хаһаайыстыбатын механиктарын үөрэтэр оскуолаҕа учууталлаабыт. 1936-1946 сс. автотракторнай дьыалаҕа дьону үөрэппит. 1946 с. Саха АССР Миниистэрдэрин Сэбиэтин иһинэн искусство дьыалатыгар салалтаҕа муосчут быһыытынан үлэлээбит. 1950-1954 сс. музыкальнай-художественнай училищеҕа муосчут дьыалатыгар ыччаты уһуйбут. Ойуулуур-дьүһүннүүр искусство уобалаһыгар уһулуччулаах ситиһиилэрин иһин, 1952 с. «Саха АССР народнай художнига” аатын иҥэрбиттэр. Бочуот Знага орденнаах, “1941-1945 сс. А5а дойду Улуу сэриитин сылларыгар килбиэннээх үлэтин иһин” мэтээллээх. Саха АССР Верховнай Советын Президиумун Бочуотунай грамоталарынан хаста да наҕараадаламмыт. II уонна III ыҥырыылаах Дьокуускай куорат Сэбиэтин депутата. Мамаев Иван Федорович – Саха АССР норуодунай худуоһунньуга, 2014 с.