МБУ "Бердигестяхский краеведческий музей им. М.Е. Тимофеева"
Образование · 2 июля 2026 г.
(2012 с. МАҤАНЫ «Маҥаны нэьилиэгэ» МТ дьаһалтата таһааттарбыт кинигэтиттэн) — 2 июля 2026 г. в 00:00:01.113
(2012 с. МАҤАНЫ «Маҥаны нэьилиэгэ» МТ дьаһалтата таһааттарбыт кинигэтиттэн) Россия бочуоттаах шахтера Василий Васильевич Данилов 1953 с. атырдьах ыйын 18 кунугэр Горнай оройуонун Орто Сурт бөһүөлэгэ төрөөбүтэ. Аҕата Василий Спиридонович Данилов Аҕа дойду сэриитин кыттыылааҕа, ийэтэ Анна Ивановна Петрова сэмэй, эйэҕэс, үлэһит элбэх оҕолоох ийэ. Василий Маҥаны 8 кылаастаах оскуолатыгар үөрэнэн баран, Сэбиэскэй Армияҕа сулууспалаабыта. «Якутуголь» разрез Дьокуускайдааҕы автобазатыгар рулевой моториһынан улэлээбитэ. Таатта улууһун (Алексеевскай оройуон) кыыһын Любовь Даниловнаны кэргэн ылбыта. 1978 с. Харбалаахтааҕы таас чохтоох «Төлөн» разрезка бульдозерист-тырахтарыыһынан үрдүк ситиһиилээхтик улэлээбитэ. Василий Васильевич бэйэтин дьыалатын үчүгэйдик билэр специалист буолан, бииргэ улэлиир дьоно убаастыыллар. Мэлдьи былаанын толорон иһэр, чоҕу үчүгэй хаачыстыбалаахтык хостуурга дьулуһар. Кэргэнэ Любовь Даниловна Харбалаахтааҕы СПТУ преподавателэ. Уоллаах, кыыс оҕолоохтор. 1981 с. «Идэтигэр бастыҥ» ааты ылбыта. Саха Республикатын оттук министиэристибэтин уонна Саха АССР Үрдүгү сэбиэтин элбэх Бочуотунай грамоталарынан наҕараадаламмыта. I, II, III степеннээх «Шахтерскай Албан Аат» бэлиэ толору кавалера. Оттук -энергическэй комплекс сайдыытыгар улахан кылаатын иһин Россия «Бочуоттаах шахтера» аата иҥэриллибитэ. Биир дойдулаахпыт Василий Васильевич Данилов 30-ча сыл Харбалаахтааҕы таас чохтоох разрезка үрдүк ситиһиилээхтик улэлээбитинэн киэн туттабыт. #ааспыткэмсонуннара