МБУ "Бердигестяхский краеведческий музей им. М.Е. Тимофеева"
Образование · 7 июля 2026 г.
Почтанан заказтаан «Москва» байааннанан — 7 июля 2026 г. в 00:00:01.427
Почтанан заказтаан «Москва» байааннанан Мин кэрэ айылҕалаах Маҥан аттаах Маҥаны нэһилиэгэр сэрии, үлэ бэтэрээннэрэ, 12 оҕолоох Данилов Николай Спиридонович, Степанова Ульяна Филиппова бастакы оҕонон 1952с. төрөөбүтүм. Аҕам сэрии бэтэрээнэ 7 сыл эҥкилэ суох сэриилэһэн, буулдьанан-уоту этэҥҥэ ааһан эргиллэн кэлтэ. Үөрэҕэ суох сахалыы эрэ саҥарар буолан кэлбитэ. Ийэбит бу хойут холхуос, сопхуос улэтиттэн илиитин араарбакка сылдьан 2021с. олохтон барбыта. Билигин ахсыабыт. Оскуолаҕа кыра кылаастартан ыллыыбын, муусуканы сэргиир этим, ол иһин дьонум хормуоска ылан биэрбиттэригэр талкыйан начаас үөрэммитим. Хормуосканан оскуолаҕа кэнсиэртэргэ ыллыыр буолбутум. Онтон сайдан 1971 с., почтанан сакаастаан «Москва» диэн байааннанан үөрүү-көтүү бөҕө буолбутум, тургэнник талкыйан иннин ылан тыаһатар буолбутум. Оскуолабын бутэрээт сопхуоска сылгыһытынан, кэлин 1980 сылтан кадровой булчутунан үлэлээн-хамсаан кэллим. Куруук сиргэ-уокка сылдьан, тоҥон-хатан сырыттым. Ол да сырыттарбын дьиэбэр кэллим да байааным үрдүгэр түһэн тыаһаттахпына эрэ санаам уоскауйар. 1987 с. Зинаида Дмитриевналыын ыал буолбуппут. Кини байааҥҥа оонньуурбун, ыллыырбын истэн, күүскэ хаайан сценаҕа дьэ тахсан ыллыыр буолбутум. Кэргэминээн бастыҥ дуэт буолбуппут. Хаста да ыырым кэҥээн нэһилиэгим чиэһин көмүскээн, Бэрдьигэстээх кулуубун сыанатыгар ыллаабытым. Улууска икки төгүл бастакы степеннээх лауреат буолбутум. Солоҕон нэһилиэгэр, СӨ норуодунай артыыската Раиса Захарова сырдык кэриэһигэр ыытыллыбыт бастакы ырыа күрэҕэр Раиса Захарова репертуарыттан «Хотугу тиитим» диэн Аркадий Алексеев ырыатын ыллааммын, «Бастын толорооччу» аатын ылан, Кылаан биири ылбытым. Кэлин арыый сааһыран баран фольклор өттүгэр эмиэ кэккэ ситиһиилэр кэлбиттэрэ. Араас күрэхтэргэ, хомуска, оһуокайга, тойукка кыттан ситиһиим элбэх курдук. Улуус чиэһин көмүскээн өрөспүүбүлүкэ араас курэҕэр кыттабын. Нэьилиэкпэр солбуллубат арчыьыппын, ыһыахтарга араас да тэрээһиннэргэ нэһилиэк, улуус култуураҕа салаата «За вклад в развитие народного художественного творчества» диэн бэлиэнэн ону сэргэ грамоталарынан, хайҕал суруктарынан наҕараадаламмытын. Бэйэм ыллыыр, туойар буолан эттилэр да эҥкилэ суох, бэйэм өйүм-санаам кыайарынан кытта сылдьабын, сцена бэтэрээнэ Бочуоттаах ааты илдьэ сылдьабын. Михаил Николаевич Степанов сцена, үлэ бэтэрээнэ олунньу ый 1924 с. #культуравлицах