Быракаан нэһилиэгин бочуоттаах олохтооҕо, талааннаах биир дойдулаахпыт Куприян Алексеев... — 13 июня 2026 г. в 01:30:59.813
Быракаан нэһилиэгин бочуоттаах олохтооҕо, талааннаах биир дойдулаахпыт Куприян Алексеевич Баянаев сырдык кэриэһигэр, төрөөбүтэ 60 сылыгар аналлаах *"Дорообо, дойдум сарсыардата"* аһаҕас ырыа күрэҕин балаһыанньата. Күрэх ыытыллар күнэ-дьыла: Бэс ыйын 20 күнэ, 2026 с. Күрэх ыытыллар миэстэтэ, чааһа: Култуура уонна спорт киинэ, Киэһэ 8 чаастан Бу балаһыанньа Куприян Баянаев 60 сааһын көрсө ыытыллар *«Дорообо, дойдум сарсыардата!»* аһаҕас ырыа күрэҕин ыытыы бэрээдэгин, сыалын-соругун, ирдэбиллэрин быһаарар. Күрэх тэрийээччилэрэ: Быракаан нэһилиэгин дьаһалтата, култуура уонна спорт киинэ, К.А. Баянаев аймахтара. Күрэх сыала- соруга: • Талааннаах ырыаһыттары көрдөөһүн, өйөөһүн 🔸Көрөөччүлэр музыкальнай култуураларын үрдэтии; 🔸Саха эстрадатын сайдыытыгар кылаат киллэрии. Күрэх соруктара: • Ырыаһыттар толорор маастарыстыбаларын үрдэтии; 🔸Саха ырыатын интэриэһин үрдэтии; 🔸Саха ырыатын фондата сайдарыгар олук ууруу. Күрэх кыттыылаахтара: Күрэххэ 14 сааһыттан үөһээ саастаах, биирдиилээн толорууга, ырыаны –тойугу сэҥээрэр улууспут нэһилиэктэрин бары ырыаһыттара кытталлара көҥүл. Күрэх ирдэбилэ уонна бэрээдэгэ: Күрэххэ кыттааччы икки ырыаны толорор: 🔴Бастакы ырыа –Куприян Баянаев ырыаларын гитара доҕуһуолунан (Гитара арааһа, атын киһи доҕуһуоллуура көҥүллэнэр) 🔴Иккис ырыа: Кыттааччы бэйэтин көҥүлүнэн талбыт ырыатын толорор. Фонограмманан (минус) эбэтэр "тыыннаах" доҕуһуоллаах буолуохтарын сөп - Сыанаҕа тахсыы, таҥас-сап ырыа ис хоһоонугар сөп түбэһиэхтээх. Күрэҕи сыаналыырга критерийдэр: Күрэххэ кыттааччылар толороллорун Дьүүллүүр сүбэ 1-тэн 5 баалга диэри сыаналыыр: - Вокальнай дьоҕур (куолас, интонация, тыыны салайыы); - Уус-уран толоруу (ырыа ис хоһоонун тиэрдии, артистизм); - Сценическай көстүүм. Күрэҕи анал дьүүллүүр сүбэ сыаналыыр. Дьүүллүүр сүбэ быһаарыыта бүтэһиктээх. Наҕараадалааһын:- Күрэх түмүгүнэн хас биирдии кыайыылаахха анал ааттар, 1, 2, 3, лауреат, дипломант. Муҥутуур кыайыылаахха (Гран–при) анал аат иҥэриллэр. Кыайыылаахтар махтал суруктарынан сыаналаах бэлэхтэринэн наҕараадаланаллар. Күрэххэ кыттыан баҕалаахтар Бэс ыйын 19 КҮНҮГЭР диэри сайаапкалары: 89618697203 - Светлана Игоревна Саввинова 89656761370 – Альбина Алексеевна Алексеева. (Нүөмэрдэригэр эрийэн суруттараргытыгар.) - Кыттааччылар кыттыы иһин 500 солк взнос төлүүллэрэ ирдэнэр. - Кэлии – барыы ороскуотун кыттааччы бэйэтэ уйунар, миэстэтигэр .