☀️Бэрдьигэстээххэ – Аан дойдутааҕы оҕо көмүскэлин үөрүүлээх күнэ👏🏼👏🏼👏🏼 — 1 июня 2026 г. в 09:14:16.759
☀️Бэрдьигэстээххэ – Аан дойдутааҕы оҕо көмүскэлин үөрүүлээх күнэ👏🏼👏🏼👏🏼 💫Бэс ыйын 1 күнүгэр самаан сайыны уруйдуу күөҕүнэн симэммит кэрэ айылҕалаах Сынньалаҥ паарката оҕо аймах саҥатынан туолла. Бу күн Аан дойдутааҕы оҕо көмүскэлин күнүгэр аналлаах киэҥ программалаах тэрээһин саҕаланна. Айымньылаахтык үлэлиир оҕону сайыннарар киин, оҕо саадын иитиллээччилэрэ, үөрэх тэрилтэлэрин үөрэнээччилэрэ, эбии үөрэхтээһин тэрилтэлэрин иитиллээччилэрэ "ОҔО СААС ҮӨРҮҮТЭ" диэн ырыа тойук түһүлгэтин төрүттээннэр, бииртэн биир кэрэ көстүүнү бэлэхтээтилэр. Чахчы да оҕо саас үөрүүтэ буолан, сибэкки курдук симэммит сир симэхтэрэ, оторой-моторой уолаттар, ону сэргэ кылаас коллективтара бу сылга ситиһиилэрин, сатабылларын, кыайыыларын көрдөрбүттэрэ олус кэрэхсэбиллээх буолла. ☀️⚜️ Үөрүүлээх бырааһынньыгы Бэрдьигэстээх нэһилиэгин баһылыгын солбуйааччыта Ксения Михайловна Васильева о5о көмүскэлин күнүнэн эҕэрдэ тылы, тэрээһин программатын сырдатта 👏🏻 🌈Бу күн саамай кэтэһиилээх, долгутуулаах түгэннэрэ – улууспут баһылыга Н.В.Андреев "Сыл бастыҥ кылааһа" күрэс түмүгүн үөрүүлээх быһыыга-майгыыга туттарыыта, улуус баһылыгын бастакы солбуйааччыта С.С.Стручкова элбэх оҕолооох ыалларга сертификат туттарыыта, үөрэх улуустааҕы управлениетын начаалынньыга В.И.Сметанина комплекснай спартакиада уонна “Горнай кэскиллэрэ” күрэстэр түмүктэрин иһитиннэриитэ. 👭Оҕо саас бырааһынньыгар ананан аан бастакытын ыытыллыбыт "Үүт-үкчүбүт" куоҥкуруска кырачааннар сөбүлүүр оонньуурдарын кытта бииргэ оҥостон-симэнэн кэлбиттэрэ олус сонун буолла. Бу күрэһи интэриэһиргээн, 4 кыттааччы ситиһиилэхтик кыттан, бары сыаналаах бирииһи бэлэх туттулар 👏 👼🏻Доруобуйа сылыгар анаммыт Горнайдааҕы кииннэммит балыыһаны кытта "Коляска здоровья" ыытыллынна. Бу күрэскэ аҕыйах кыттааччы да буоллар бэрт интэриэһинэйдик оҥостон кэлбиттэрин бэлиэтиибит. Бу күнү киэргэппит кырачаан кыттааччыларбыт сыаналаах сертификатынан наҕараадаланнылар. 🤩👏🏻 О5олорбутун харыстыа5ыҥ, Оҕолорбутун таптыаҕыҥ Оҕолорбут туһугар Ньир-бааччы олоруоҕуҥ! #СЫННЬАЛАҤКИИНЭ #МэхээлэДьөгүөрэп #оҕоКөмүскэлэ