🕊️Улуу Кыайыы 85 сылынан тыыл бэтэрээннэрин уонна инбэлииттэр социальнай дьиэлэрин оло...
🕊️Улуу Кыайыы 85 сылынан тыыл бэтэрээннэрин уонна инбэлииттэр социальнай дьиэлэрин олохтоохторугар анаан, «Улуу Кыайыы күнүнэн!» диэн аһымал акциябыт тэрилиннэ. Бу тэрээһин үгэскэ кубулуйан сылын аайы ыытылларынан, бу дьиэ олохтоохторо долгуйа күүтэллэр. Истиҥ эҕэрдэлэрин анаан, уус-уран самодеятельноспыт талааннаах ырыаһыттара, ырыа куттаах дьиэ кэргэн Полина, Гаврил Осиповтар, Варя Саввина кырачаан балтытынаан Нарыйаана Мухоплевалыын, хомусчут София Андреева, «Ренессанс» бальнай үҥкүү студиятын кыттыылаахтара Любовь Сивцева, Вячеслав Баишев кыттыыны ыллылар. 🕊️Бэлиэ күҥҥэ анаан Мэхээлэ Дьөгүөрэп аатынан Сынньалаҥ киинин коллектива тыыл бэтэрээнигэр Вера Николаевна Сидороваҕа бырааһынньыктааҕы ас наборун бэлэх уунна.Кэлэн иһэр Кыайыы күнүнэн эҕэрдэлээн олохтоохторго сибэкки дьөрбөтүн туттардыбыт.