Саха Өрөспүүбүлүкэтин күнүн тэрээһинин иһинэн коллекционердар уонна талба талааннаахтар...
Саха Өрөспүүбүлүкэтин күнүн тэрээһинин иһинэн коллекционердар уонна талба талааннаахтар, оҥоһуктарын атыы-быыстапкалара буолла. Ол курдук коллекционердар Степанида Сидорова сахалыы чуорааннара, кэргэнэ Николай Ковров мастан чочуйан оҥорбут чороонноро, кытыйалара, дэйбиир уктара дьон болҕомтотун тарта уонна атыылаһан үөрдүлэр - көттүлэр. Коллекционер Екатерина Егорова сахалыы сиэринэн көмүлүөгэр кытыан, туос, сылгы сиэлэ, этиҥ түспүт маһын уматан сыт таһааран, чуораанын лынкынатан кэлбит дьону арчылаата, ыраастаата. Саха былыргы туттар малларын хос эбэтиттэн хаалбыт 18-19-с үйэ саҥатын ус атахтаах чорооно, матааччах, туос маллаах иһит, хаарыс былаат, 1967 с. фарфоровай чороон, сэлии муоһуттан оҥоһуллубут чороон, туос ыаҕыйалар, кытыйалар, алтан чуораан, көмүлүөк уонна дьиэ харысхала Сэргэ оҥоһук сонун дьикти көстүү буолла. Тарбахтарыгар талааннаах дьоммут Анна Старостина оҕуруоттан сахалыы кэрэ киэргэллэрин, Анастасия Ноговицына, Мария Павлова чумэчилэрин, дыргыл сыттаах мыылаларын, Оҕону эбии үөрэхтээһин киинин иһинэн "Айар кут" креативнай кластер оҕолорун сахалыы араас оҥоһуктарын, Инга Лукина баайыы мааны бэргэһэлэрин, Даайа Моруот керамикаттан дьикти, ураты оҥоһуктарын дьон-сэргэ кэрэхсээн көрдулэр, атыыластылар.