«САЙДАР КЭРЭ ГОРНАЙ СИРЭ!» Горнай улууһа төрүттэммитэ 95 сылыгар аналлаах ырыа-үҥкүү ул...
«САЙДАР КЭРЭ ГОРНАЙ СИРЭ!» Горнай улууһа төрүттэммитэ 95 сылыгар аналлаах ырыа-үҥкүү улахан түһүлгэтэ биир дойдулаахтарын түмтэ👏🏼👏🏼👏🏼👏🏼 ⚜️Туймаада хочотун килбэйэр киинигэр Өксөкүлээх Өлөксөй аатынан Норуоттар доҕордоһууларын дьиэтигэр Горнай сириттэн-уотуттан тардыылаах, төрүттээх, ону сэргэ өрүүтүн ахтар-саныыр дьоно-сэргэтэ тоҕуоруһа муһунна. ⚜️Дойду ахтылҕанын таһаарар үөрүүлээх тэрээһиҥҥэ кэлбит ыалдьыттары «Кылыһах» саха инструменнарын народнай оркестра сахалыы ураты кэрэ дьүһүйүүлэринэн эҕэрдэлии көрүстэ. ⚜️Норуоттар доҕордоһууларын дьиэтин үрдүк сыанатыгар бииртэн биир кэрэ көстүү бэйэ бэйэлэрин ситэрсэн тахсан истилэр. Кэнсиэри биир дойдулаахпыт РФ үөрэҕириитин бочуоттаах үлэһитэ Марина Сокольникова-Мохначевская салайааччылаах “Добун” народнай этно-фольклорнай ансаамбыл ньиргитэн, тыас-уус арааһынан киэргэтэн саҕалаабыта тутатына дьон болҕомтотун тарта, онтон салгыы улууспут маанылаах кыыллара тайах уонна бизон үҥкүүлэринэн сонуннук саҕаланна. Хас биирдии нүөмэр улууспут уратытын ойуулаан, дьүһүйэн, экран нөҥүө видеонан дириҥ ис хоһоонноон көрөөччүгэ олус истиҥник тириэрдилиннэ. Улууспут 175 айар тутар талааннаах ыччатын, дьонун кэнсиэрэ биир тыынынан үрдүк таһымҥа ааста. 🔸«САЙДАР КЭРЭ ГОРНАЙ СИРЭ!» кэнсиэргэ кыттыыны ыллылар: РФ үтүөлээх артыыската Анна Дьячковская, СР үтүөлээх артыыската Ольга Спиридонова-Ника, саха эстрадатын артыыстара СР культуратын туйгуна Анатолий Горохов, СР культуратын туйгуна Кылаан Кындыл, ырыаһыттар Иван Иванов-Атамай Уйбаан, Иван Дьяконов, оҕо искусствотын оскуолатын преподавателлэрэ Мира Алексеева, Ольга Луковцева, Рената Максимова, Надежда Брыжакина. СР культуратын үтүөлээх үлэһитэ, ытык мааны киһибит Августина Николаевна Филиппова моделларын көрдөрдүлэр улууспут киэн туттар ыччаттара Анжелика Назарова, Айталина Иванова, Семен Борисов. ⚜️Үҥкүүнэн киэргэттилэр Маҕарастан “Күлүмчээнэ” образцовай ансаамбыл, салайааччы Олимпиада Текеянова, үҥкүү коллективтара оҕо искусствотын оскуолатын “Арылхан”, салайааччы Аина Колесова, Мытаахтан “Тэтим”, салайааччы Изабелла Максимова, Солоҕонтон “Элеганс”, салайааччы Максим Аммосов, Сэмэн, Софрон Даниловтар ааттарынан Духуобунас кииниттэн “Түһүлгэ”, салайааччы Ульяна Кириллина, Мэхээлэ Дьөгүөрэп аатынан Сынньалаҥ киинин “Эҕэрдэ” үҥкүү народнай коллектива, “Кырсаада”, “Ренессанс” коллективтар, салаайааччы Сайаана Кычкина. 🔸Ылбаҕай ырыаларын көрөөччүгэ анаан бэлэхтээтилэр Күөрэлээхтэн “Ыллык” эр дьон ансаамбыла, салайааччы Сергей Иванов, Мэхээлэ Дьөгүөрэп аатынан Сынньалаҥ киинин Горнай эдэр ыччатын бөлөҕө, “ДоРеМи”, “Куорунай Куо”, “Айыллаана” вокальнай ансаамбыллар, салайааччы Саяна Александрова. Байааҥҥа доҕуһуоллаата СР культуратын үтүөлээх үлэһитэ Данил Санников. 🔸Көрөөччүлэри “Дьиикимдэ Дьээбэлэрэ” көр күлүү мини-театра (салайааччы Артур Егоров) сэргэхситэн, күллэрэн ааста. ⚜️Кэнсиэр Ефремовтар хомусчут дьиэ кэргэн ансаамбыла хомуска дьүһүйүүтүнэн уонна СР культуратын туйгуна, Бүлүү бөлөх улуустарын Дархана, үтүөлээх этээччи Прокопий Федоров оһуохайынан түмүктэннэ. ⚜️Кэнсиэри иилээн-саҕалаан ыыттылар Варя Саввина уонна биир дойдулаахпыт СР культуратын туйгуна Александр Максимов. Үбүлүөйдээх түһүлгэни Мэхээлэ Дьөгүөрэп аатынан Сынньалаҥ киинин коллектива (дириэктэр Алексей Оконешников) режиссер Варя Саввина, экран көстүүлэрин, уотунан күөһүнэн киэргэттээччи Кирилл Дьяконов, музыканан киэргэтээччи Мичил Петров, уус уран салайааччы Агафия Ефремова тэрийэн ыыттылар. ⚜️Анна Семенова видео5а устуута👏🏼👏🏼👏🏼