Бэс ыйын 11 күнүгэр Горнай улууһун Бэрдьигэстээх нэһилиэгэр Тойон түһүлгэтигэр оҕону ии... — 11 июня 2026 г. в 06:51:53.217
Бэс ыйын 11 күнүгэр Горнай улууһун Бэрдьигэстээх нэһилиэгэр Тойон түһүлгэтигэр оҕону иитэр дьиэ кэргэн өрөспүүбүлүкэтээҕи ыһыаҕын арыллыыта буолан ааста! 🍃🍃🍃🍃🍃🍃🍃🍃🍃🍃🍃 Бүгүн Горнай улууһун киэҥ-куоҥ Тойон түһүлгэтигэр оҕону иитэр дьиэ кэргэн өрөспүүбүлүкэтээҕи ыһыаҕын үөрүүлээх арыллыыта буолан ааста. Бу ытык түгэн саха сирин бары муннугуттан мустубут ыалларга таптал, дьол уонна биир дьылҕалаах дьону кытта ситимнэһии уоттарын саҕан, оҕолор үөрүүлэринэн толору күнү бэлэхтээтэ. Бырааһынньык саамай сүрүн уонна сүрэххэ чугас түгэннэртэн биирдэринэн – өрөспүүбүлүкэ араас улуустарыттан кэлбит кыттааччылар бары бииргэ сэлэлээн хааман киирбиттэринэн – саҕаламмыта. Сүрүн түһүлгэҕэ Ыһыах арыллыытын сиэрэ-туома буолла. Тэрийээччилэр уонна ытыктабыллаах ыалдьыттар кыттааччылары эҕэрдэлээн, дьиэ кэргэн сыаннастарын өйөөһүн уонна оҕону иитии ураты суолтатын бэлиэтээтилэр. Онтон Духуобунас киинигэр оҕону иитэр дьиэ кэргэннэр, ону таһынан КЦСЗН уонна ДИПИ иитээччилэрэ илиилэринэн оҥорбут оҥоһуктарын быыстапка-атыылара көхтөөхтүк үлэлиир. Экспозицияҕа ааптардар үрдүк маастарыстыбаларын көрдөрөр ураты сахалыы киэргэллэр, сувенирдэр уонна дьиэҕэ-уокка туттуллар маллар көрдөрүлүннүлэр. Быыстапка Бэрдьигэстээх нэһилиэгин олохтоохторугар уонна ыалдьыттарыгар 16:00 диэри аһаҕас. Тиэтэйиҥ уонна уустары өйөөҥ!