Алтынньы 3-4 күннэригэр Хакассия Өрөспүүбүлүкэтин, Абакан куоратыгар, С.П. Кадышев ааты...
Алтынньы 3-4 күннэригэр Хакассия Өрөспүүбүлүкэтин, Абакан куоратыгар, С.П. Кадышев аатынан норуот айымньытын киинигэр норуоттар доҕордоһууларын сылыгар анаммыт, IV межрегиональнай "Шерстяные чудеса" диэн войлок маастардарын күрэҕэ ыытылла турар. Күрэххэ Хакасия, Тыва өрөспүүбүлүкэлэриттэн, Красноярскай кыраайтан барыта 40 тахса маастар кытта сылдьаллар. Саха сириттэн бу бэстибээл күрэххэ Горнай улууһун, Бэрдьигэстээх нэһилиэгин, "Тиһилик" норуот маастардарын түмсүүтүн кыттыылааҕа, "Сардаана" уһуйаан логопед иитээччитэ Айталина Васильевна Санникова кыттыыны ыла сылдьар. Күн бастакы аҥарыгар кыттааччылар бэйэлэрин билиһиннэрэн оҥорон аҕалбыт таҥастарын, маастарыстыбаларын көрдөрдүлэр уонна хатайданан оҥоһуллубут үтүлүк күрэҕэр кытыннылар. Бүгүҥҥү күн түмүгүнэн "Традиционный конкурс на пару варежек" в номинации "Этно традиции" биһиги маастарбыт Айталина кыайыылаах үрдүк аатын ылла. Саха сирин маастара Айталина оҥорон таһаарар үлэтин техникаларын, хас биирдии панно уратытын, хатайданан тахсыбыт оҥоһукка Саха сирин кэрэтэ, хоту дойду тыйыс тымныыта тута харахха быраҕылларын көрүөххэ сөбүн кэлбит эрэ дьон барыта биһирээтэ, хайгыы көрдө. Бэстибээл күрэх түмүгүнэн Айталина Санникова инники ыытыллар күрэххэ ыҥырыы ылла уонна араас дойду маастардарын кытта уопутун атастаһан билиитин хаҥатта.Бу айаммыт сырыытыгар биһигини ыыппыт Олоҥхо дьиэлэрин биир кэлим ситимин, улуустары кытта бииргэ үлэлэһэр убаастабыллаах салайааччыбытыгар Евдокия Николаевна Ивановаҕа, Горнай улууһун Олоҥхо дьиэтин салайааччытыгар Александра Владимировна Алексееваҕа улахан махталбытын тиэрдэбит.