⚜️ ОЛОНХО дьиэтигэр аҕам саастаахтар истиҥ көрсүһүүлэрэ ааста ⚜️
⚜️ ОЛОНХО дьиэтигэр аҕам саастаахтар истиҥ көрсүһүүлэрэ ааста ⚜️ 👏🏻🥳 Алтынньы 8 күнүгэр Олонхо дьиэтигэр Аҕам саастаахтар күннэригэр анаммыт «Истиҥ көрсүһүү» диэн ураты тэрээһин үрдүк таһымнаахтык буолан ааста. Бу тэрээһини Мэхээлэ Дьөгүөрэп аатынан сынньалаҥ киинэ уонна Сэмэн, Софрон ааттарынан Духуобунас киинэ бииргэ кыттыһан, биир сыаллаах-соруктаах тэрийэн ыыттылар 👏🏻 Көрсүһүү бэрт сэргэхтик, сылаас эйгэҕэ ааста. Киэһэни Мэхээлэ Дьөгүөрэп аатынан сынньалаҥ киинин режиссёра Варя Саввина салайан ыытта. Кини ыытыытынан «Музлото» оонньууга дьон көхтөөхтүк кытынна. Тэрээһини ырыаннан Варя Саввина, Алина Софронеева Саяна Александрова салайааччылаах ырыа бэлэх ууннулар. Биэчэр кэрэхсэбиллээх чааһынан Ретро аксессуардарга уонна ретро таҥаска күрэхтэр буоллулар. Кыттааччылар бэйэлэрин үйэлээх малларын, ураты таҥастарын көрдөрөн дьүүллүүр сүбэни уонна көрөөччүлэри сөхтөрдүлэр 🤩 Күрэх түмүгүнэн: «Ретро аксессуар» курэҕэр: I миэстэ – Ангелина Захарова II миэстэ – Надежда Иванова «Ретро таҥас» номинациятыгар ураты көстүүлээх таҥастарын иһин сыаналаах бириистэринэн наҕараадаланнылар: Екатерина Петрова Ангелина Захарова Зоя Дуранова-Федорова Таисия Гаврильева 👏🏻 Кэлбит күндү аҕам саастаах дьоммут үөрэн-көтөн, урукку кэмнээҕи сырдык өйдөбүллэрин үллэстэн, сынньанан тарҕастылар. Кинилэр тэрийээччилэргэ дириҥ махталларын биллэрдилэр 🤗