Кытайтан кыайыы кынаттанан — 10 апреля 2026 г. в 07:55:52.919
Кытайтан кыайыы кынаттанан Муус устар ый 2-7 күннэригэр Хаӈалас улууһун Төхтүр нэһилиэгин ,, Дьүөгэ,, эбээлэр түмсүүлэрэ уонна ,, Кэскил,, хомус норуот ансаамбылын кыттыылаахтара улуу Кытай Янцзы куоратыгар ,, Вива Янцзы,, аан дойдутаа элбэх көрүӈнээх бэстибээлгэ баран кыттыыны ылан кэллилэр. Бэстибээли ,, Вива тур,, туристическай хампаанньа уонна Янцзы куорат миэрийэтэ,култууратын үлэһиттэрэ икки өттүттэн сөбүлэн түһэрсэн ыыттылар. Күрэххэ Саха сириттэн уопсайа 43 киһи кытынна , кытай кыттааччыларыныын 123 киһи үҥкүүгэ, ырыаҕа, инструмеӈӈа күрэхтэстилэр. Дьүүллүүр сүбэҕэ саха сириттэн СӨ үтүөлээх артыыһа Валентина Чиркова уонна СӨ култууратын туйгуна Клим Федоров олордулар. Күрэх иннинэ элбэх сүбэни-аманы биэрдилэр. Күрэх түмүгүнэн ,, Дьүөгэ,, ансаамбыл норуот ырыатын толорон , бастакы степеннээх лауреат ,, Кэскил,, хомус ансаамбыла бастакы степеннээх лауреат , биирдиилээн толорооччуларга Дария Захарова бастакы степеннээх лауреат , Людмила Руфова кырыымпа кылын тыаһатан бастакы степеннээх лауреат дипломунан , бука бары мэдээлинэн наҕыраадаланнылар. Кытай курдук үрдүк култууралаах омукка бэйэлэрин култуураларын үрдүк таһымнаахтык көрдөрөн ытыс хабыллар тыаһынан доҕуһуолланнылар. Күннэтэ араас экскурсияларга, сылдьан элбэх саӈаны солуну биллилэр. Маннык умнуллубат түгэннэри бэлэхтээбит ,, Вива тур,, туристическай хампаанньа үлэһиттэригэр чуолаан салайааччыларыгар Иван Чирковка , көрдөөх элбэх сэһэннээх Клим Федоровка биир дойдулаах кыыспытыгар Зинаида Аввакумоваҕа барҕа махталбытын тиэрдэбит. Сахабыт дьонун аны даҕаны аатырда, араас дойдуларга угуйа , кэрэҕэ сыһыаран , ситиһиигит үрдүү турдун диэн баҕа санаабытын тиэрдэбит. Дария Захарова А. И. Борисов аатынан ,,Эркээни ,, култуура киинин уус уран салайааччыта Муус устар 10 күнэ. Төхтүр Хаӈалас