🥳"Дьоллоох оҕо саас" бырааһынньык үөрүүлээхтик түмүктэннэ!🥳 — 5 июня 2026 г. в 11:49:28.091
🥳"Дьоллоох оҕо саас" бырааһынньык үөрүүлээхтик түмүктэннэ!🥳 Аан дойдутааҕы Оҕо көмүскэлин күнүгэр анаммыт "Дьоллоох оҕо саас" бырааһынньык үөрүү-көтүү аргыстаахтык, этэҥҥэ буолан ааста! Бу күн Никииппэр Сэмиэнэп аатынан норуот айымньытын киинин иннэ оҕолор күлүүлэринэн-саҥаларынан туолла, хас биирдии оҕо дьоллоох мичээрэ күн сарыалын курдук чаҕылхай күнү оҥордо. Бырааһынньык устата оҕолорго анаан араас интэриэһинэй күрэхтэр ыытылыннылар: • Косплей күрэҕэ: Оҕолор сөбүлүүр ойуулуктарын дьоруойдара буолан, дьону сөхтөрдүлэр, араас дьүһүннэринэн, костюмнарынан бу күнү киэргэттилэр! • Велогонка: Түргэн тэтиминэн, кыахтарынан күүстэрин холонон, тыал курдук көтөн аастылар! • Көрдөөх оонньуулар: Оҕолор араас оонньуулары оонньоон үөрэн-көтөн дуоһуйдулар! • Хамаанданнан күрэхтэр: Бииргэ түмсэн, бэйэ-бэйэлэрин өйөһөн, хамаандаҕа үлэлииргэ үөрэннилэр! • Тэрээһин устата оҕолор сирэйдэрин аквагримынан киэргэтэн, бырааһынньыктарын өссө да толору дьолунан толордубут. Бу бырааһынньык хас биирдии оҕоҕо дьолу, үөрүүнү бэлэхтээтэ, оҕо саас кэрэ кэмигэр өссө биир чаҕылхай күн буолла. Бары оҕолорго дьоллоох оҕо сааһы баҕарабыт!