Бүгүн кулун 9 күнүгэр "Арчы" сынньалаҥ киинигэр Бөкчөҥөө орто оскуолатын учуутала, “Арч... — 10 марта 2026 г. в 00:04:29.814
Бүгүн кулун 9 күнүгэр "Арчы" сынньалаҥ киинигэр Бөкчөҥөө орто оскуолатын учуутала, “Арчы” сынньалаҥ киинин уус-уран салайааччыта Петр Калачев көҕүлээһининэн "Сельский юмор-Стендап" -диэн олус сэргэх тэрээһин буолан ааста. Балаҕаччыттан, Кыһыл Сыртан, Халбаакыттан, Хампаттан, Өкүндүттэн уонна Бөтүҥтэн уопсайа уон кыттааччы бииртэн-биир көодөөх нүөмэрдэри көрдөрдүлэр. Бастакы күөн-күрэс диэтэххэ туох да аһара үчүгэйдик ааста диэн көрөөччүлэр астыммыттарын биллэрдилэр. Бары да аһара талааннаах дьон кытыннылар. Түмүккэ Гран-при хаһаайкатынан Антонина Алексеева-Айуу - Чэ Туонньа буолла. Дьүүллүүр сүбэ үлэлиир кэмигэр Бөтүҥ уонна Балаҕаччы көрдөөхтөрө сыанкаларынан, ырыаларынан көрөөччүлэри күндүлээтилэр. Кыһыл Сыртан кэлбит "Южный берег Моря Лаптевых" КВН хамаандата кыттыыта көрөөччүлэр үрдүк сыанабылларын ылла. Спонсордарынан “Бөкчөҥөө нэһилиэгэ” Тыа сирин түөлбэтэ (баһылык А.И. Прокопьев), Г.Ф. Николаев аатынан Бөккчөҥөө орто оскуолата (дириэктэр С.И. Бубякина, “Сайдам” маҕаһыын (сал. Томская И.А.) буоллулар, кыттааччылар бары илии тутуурдаах, өттүк харалаах тарҕастылар. Спонсордарбытыгар улахан махталбытын биллэрэбит. Ыальытымсах Бөтүҥ мааны кыргыттара “Арчылаана” түмсүү (сал. Томская А.А.) өрүү минньигэс астаах остуоллаах көрсөллөрүгэр, кулууп үлэтигэр көмөлөрүгэр эмиэ барҕа махталлаахпыт! Кыттааччыларбытыгар уонна спонсордарбытыгар тэрийээччилэр ааттарыттан махталбытын биллэрэбит!