Аан дойду үрдүнэн бастаан Англияҕа 1984 сыллаахха ньургуһуну таптыылларын , харыстыылла... — 18 мая 2026 г. в 02:33:03.751
Аан дойду үрдүнэн бастаан Англияҕа 1984 сыллаахха ньургуһуну таптыылларын , харыстыылларын биллэрэн, муус устар 19 күнүн Ньургуһун күнүнэн бэлиэтээбиттэр. Саха сиригэр маннык дьоро күн 2004 сылтан, ыам ыйын 18 күнүгэр бэлиэтэнэр. Ньургуһун саас, хаар ууллаатын кытта, бастакыннан тахсар үүнээйи. Кини муус устар бүтүүтүттэн , ыам ыйын бүтүөр дылы үүнэр. Ньургуһун Аан дойдуга 45 арааһа баар эбит. Онтон Саха сиригэр 7 арааһа үүнэр. Ньургуһун Россияҕа, Европаҕа, Америкаҕа, Канадаҕа, Кытайга, Белоруссияҕа, Казахстаҥҥа, Монголияҕа үүнэр. Төһө да элбэх сиргэ үүннэр, син биир кыралаан аҕыйыыр, сүтэр. Ол иһин Ньургуһуну харыстааннар, сорох көрүҥнэрин Кыһыл кинигэҕэ киллэрбиттэрэ. Ньургуһун тоҥ буору тобулан тахсарын курдук олох мэһэйиттэн чаҕыйымаҥ, күҥҥэ тардыһан үүнэрин курдук олоххо тардыһыылаах буолуҥ! Бүгүн Сахабыт сиригэр Ньургуһун күнүнэн!