Таптыыр Таркаайыбыт, хайҕыыр Хатыҥ Сыһыыбыт олохтоохторо уонна ыалдьыттара! "Умнуллуба... — 27 июня 2026 г. в 03:58:15.496
Таптыыр Таркаайыбыт, хайҕыыр Хатыҥ Сыһыыбыт олохтоохторо уонна ыалдьыттара! "Умнуллубат удьуор - Албан аат" үрүҥ тунах ыһыахпыт биир улахан бэлиэ тэрээһининэн "Киэргэллээх түһүлгэ кэрэ чаҕыл күлүмэ" сахалыы таҥас эгэлгэтин түһүлгэтэ буолла. Өрөспүүбүлүкэ таһымнаах көрүү-күрэскэ 14 иистэнньэҥ кытынна, 19 таҥас коллекцията дьон-сэргэ болҕомтотун тарта. Сахабыт таҥаһын көрүү хайысхаларынан арахсан үс Кыайыылаах, биир Кылаан Чыпчаал кыайыылаах быһаарылыннылар, уон иистэнньэҥҥэ анал ааттар иҥэрилиннилэр: • Кылаан чыпчаал кыайыылаах - Үөһээ Бүлүү Хоротуттан, "Байанай", "Сарыада", "Сыккыс" коллекцияларын дьүүлгэ таһаарбыт Тарасова Гюльнара Владимировна Лилия Петровна уонна Юрий Михайлович Алексеевтартан 50000 солкуобай тутта, • "Сахалыы төрүт таҥас" хайысхаҕа кыайыылаах Бурнашева Наталья Николаевна норуот маастара Васильева Евдокия Андреевна оҕолоруттан 25000 солк. бэлиэтэннэ, • "Аныгылыы сахалыы таҥас" хайысхаҕа кыайыылааҕынан Антонова Амелия Ивановна буолла уонна урбаанньыт Аммосов Николай Аркадьевичтан 25000 солк.тутта. Итини таһынан, Амелияҕа СВО ветерана, Чуукаар нэһилиэгин Бочуоттаах олохтооҕо, СӨ Ыччат политикатын туйгуна Иванов Самуил Александрович анал бирииһин туттардылар, • "Дьиэ кэргэн сахалыы таҥаһа" хайысха кыайыылааҕынан Алексеева Мария Александровна буолла уонна норуот маастара Петрова Марина Спиридоновна оҕолоруттан 25000 солк. тутта. Анал ааттар: • "Мындыр уус" - Григорьева Маруся Ивановна, бирииһэ - иистэнэр массыына (урбаанньыт Андреев Александр Николаевич туруорда); • "Көмүс сүүтүк" - Чаппандаттан Оппудонова Розалия Дмитриевна, бирииһэ - иистэнэр массыына (урбаанньыт Андреев Александр Николаевич туруорда), • "Иис хотун" - Дьокуускай Хатаһыттан Мостахова Любовь Федотовна, бирииһэ - норуот маастара Васильева Любовь Николаевнаттан 10000 солкуобай, • "Уран иис" - Үөдэйтэн Аммосова Надежда Ивановна, бирииһэ - урбаанньыт Григорьева Айна Степановнаттан 10000 солкуобай, • "Сайдам уус" - Үөһээ Бүлүү Сургуулугуттан Алексеева Александра Александровна, бирииһэ - стилист-имиджмейкер Потапова Варвара Валерьевна 10000 солкуобайга өҥөтүн сертификата, • "Удьуор уус" - Мостахова Мария Владимировна, бирииһэ - А.А.Моргусов аатын сүгэр "Талба» н.а.дь. Кировтааҕы салаатыттан 5000 солкуобай, • "Кэрэ көстүү" - Алексеева Саргылана Васильевна, бирииһэ - А.А.Моргусов аатын сүгэр "Талба" н.а.дь. Кировтааҕы салаатыттан 5000 солкуобай, • "Талба талаан" - ыаллыы Аканаттан үлэ ветерана, сэрии сылларын оҕото Алексеева Серафима Федотовна, бирииһэ - А.А.Моргусов аатын сүгэр "Талба н.а.дь. Гладильнай доска, • "Уустук үлэ" - Үөдэй нэһилиэгин баһылыга Николаева Мария Пудовна, бирииһэ - А.А.Моргусов аатын сүгэр "Талба" н.а.дь. Сушилка, • "Кустук оһуора" - Үөдэйтэн Крылова Наталия Вадимовна, бирииһэ - Иванова Туйаара Юрьевнаттан "Мэҥэдьэк сылгыта" илии оҥоһуга статуэтка. Күрэс үрдүк таһымҥа ааһарын, тэрийээччилэри кытары сэргэ, хас биирдии таҥаһы сирийэн көрбүт, сөптөөх сыанабылы биэрбит дьүүллүүр сүбэ хааччыйда! Күрэспит бириистэрин туруорбут сайдам санаалаах биир дойдулаахтарбытыгар - спонсордарбытыгар барыларыгар уонна дьүүллүүр сүбэҕэ: норуот маастара Васильева Любовь Николаевнаҕа, Ефремова Дора Николаевнаҕа, Семенова Мария Ивановнаҕа истиҥ махталбытын тиэрдэбит! Чэгиэн-чэбдик доруобуйаны, баҕа санааларгыт туолууларын, ситиһиилэри, табыллыыны, дьолу-соргуну баҕарабыт. А.А.Моргусов аатын сүгэр "Талба" н.а.дь.Кировтааҕы салаатын үлэһиттэрэ