✅🚩🥁🎺 — 20 мая 2026 г. в 07:30:29.146
✅🚩🥁🎺 *Ыам ыйын 19 күнэ-Пионерия күнэ.* *Пионерия - үгүс көлүөнэ дьон оскуолатааҕы оҕо саастарын сырдык өйдөбүлэ*. Икки Ленин уордьаннаах Бүтүн Россиятааҕы бастакы пионерскай тэрилтэ *1922 сыллаахха* Москваҕа тэриллибитэ.Ленинскэй комсомол бойобуой уонна үлэҕэ үтүө үгэстэригэр иитиллибит эдэр ленинецтэр тэрилтэлэрин историята-бу ханнык баҕарар көлүөнэ оҕо сааһын кэрэ-бэлиэ түгэннэрэ. Пионердар сүрүн атрибуттарынан барабан, кыһыл хаалтыс, пионерскай значок, горн, дружина знамята буолара.*Саха сиригэр пионерскай тэрилтэ 1924 сыллаахха, олунньу 17 күнүгэр тэриллибитэ.* Кыһыл хаалтыстаах оҕо саастарын сырдык өйдөбүлүнэн буолбут оччотооҕу кэми, аҕа саастаах көлүөнэ киэн тутта кэпсииллэр. Оҕо аймах оскуолатааҕы сылларыгар пионерга киирии хаһан баҕарар үөрүүлээх түгэнинэн буолара. *Хаҥалас оскуолатыгар маҥнайгы пионерскай тэрилтэ 1932-1933 үөрэх дьылыгар аһыллыбыт.Ону көҕүлээччиннэн оскуола директора Николай Иннокентьевич Кочнев этэ.* 1953-56 сылларга Хаҥалас оскуолатыгар ньиргиэрдээх мунньахтардаах, эппит-тыыммыт,турбут-олорбут активист уолаттар салайааччылаах пионерскай дружина баар эбит.Оскуола 1966 сыллааҕы выпускнига, СӨ профессиональнай үөрэхтээһин туйгуна *Иван Васильевич Иванов* ахтарынан пионерскай хоско,2 баян, гармошка арааһа, балалайка, мандалина быһата музыкальнай инструменынан толору баай эбит. Кэлин олох сайдыбытын кэннэ оскуола бастыҥ пионердара "Артек","Орленок", "Океан" лааҕырдарга сынньаммыттара. "Артек" пионерскай лааҕырга бастакы хараҥаччыннан *Ваня Степанов* диэн оҕо 1961 сыллаахха сылдьыбыт,онтон салҕыы *Людмила Кутанова* диэн бастыҥ үөрэнээччи сылдьыбыт. Оскуола үөрэнээччилэрин, пионер оҕолору түмэ тардан сатабыллаах үлэни тэрийбит, биир санаанан салайтаран үгүс үтүө хамсааһыны саҕалаабыт дьонунан биллэн турар ол саҕанааҕы *пионер баһаатайдар* этилэр.Хаҥалас оскуолатыгар үүнэр көлүөнэни иитиигэ пионербаһаатайдарынан *Николаева Матрена Терентьевна, Александрова Тамара Николаевна, Березкина Светлана Романовна,Кононова Евдокия Николаевна, Никифорова Марианна Николаевна, Романова Фаина,Татьяна Григорьевна Андреева* үлэлээбиттэрэ. Ньурбаттан тахсан үлэлээбит сып сырдык, кырасыабай көрүҥнээх, олус култуурнай киһи быһыытынан олус кэрэ *Матрена Терентьевна* оҕо сааспыт сырдык өйдөбүлэ.Майгытынан, оҕоҕо үтүө сыһыанынан кинини *Светлана Романовна* солбуйбута.Кэлин *К.К.Байкалов аатынан пионерскай дружинаны үлэтигэр олус бэриниилээх туруу үлэһит, билигин да Хаҥалас олохтоохторугар улахан ытыктабылынан ахтыллар Татьяна Григорьевна Андреева салайбыта.* Пионер баһаатайдарга сүрүн көмөлөһөөччүлэринэн *пионерскай звено баһаатайдара этилэр*.Хаҥалас 8-с кылаастаах оскуолатыгар пионерскай активистарынан биһиги саҕана бэйэм көлүөнэ оҕолорбуттан үөрэххэ- үлэҕэ бастыҥ *Света Винокурова, Маша Яковлева,Дина Осипова,Дуня Алексеева,Ира Федорова,Тоня Винокурова, Арабелла Иванова,Үөдэйтэн кэлбит үөрэх бастыҥнара аҕыс- балыс кыргыттар Маша, Шура Николаевалар, Таня, Ольга Васильевалар, Рита, Валя Прокопьевалар уо.д.а этилэр.Бу оҕолор бэйэлэрин кэмнэригэр үлэ-үөрэх үөрүйэхтэригэр, доҕордоһууга, коллективы кытта сыһыаҥҥа инники олохторугар туһалаах оскуоланы аастахтара.Саамай кылаабынайа оччотооҕу пионерскай тэрилтэлэр ыччаты иитиигэ төрөөбүт дойдуга тапталы,патриотическай өйү санааны ииппиттэрэ.* буолар. Билиҥҥи олохпут тосту уларыйбыт, сиэр-майгы сатараабыт кэмигэр урукку пионердар олохторо, ыыппыт идеологиялара чиэс, суобас өрө тутуллуута билиҥҥи ыччакка үтүө холобур эрэ буолан, аныгы ыччаты үлэҕэ көҕүлүүргэ бигэ тирэх, өйөбүл буолуон сөп. Күн бүгүн кэнчээри ыччаты иитиигэ күннэтэ кыһаллар оҕо түмсүүтүн салайааччылара, тэрийээччи-педагогтар уруккуну умнубакка, пионерия үтүө үгэһигэр тирэҕирэн айымньылаахтык үлэлииллэр, оҕо хамсааһынын саҥа таһымҥа таһаарарга дьулуһаллар. *Бырааһынньыгынан 🎊 сэбиэскэй кэмнээҕи биир сомоҕо буолбут пионердар!*💐💖 *Көлүөнэ икки ардыгар ситим уонна ытыктабыллаах сыһыан баар буола туруохтун!* Ахтыыны суруйда Мария Николаева.Хаҥалас, Ньурба.