⚜️⚜️⚜️⚜️⚜️⚜️⚜️🔊🏛️🔹 *Ааспыт уонна билиҥҥи кэм тыыннаах туоһулара* — 18 мая 2026 г. в 02:10:35.692
⚜️⚜️⚜️⚜️⚜️⚜️⚜️🔊🏛️🔹 *Ааспыт уонна билиҥҥи кэм тыыннаах туоһулара* *🏛️Ыам ыйын 18 күнүгэр дойду үрдүнэн Аан дойдутааҕы музей күнэ бэлиэтэнэр.* Музейдар урукку дьыллар уонна билиҥҥи кэм тыыннаах ситимнэрэ буолан,өйү-санааны, сиэри-майгыны иитиигэ уонна государственнай культурнай политиканы сайыннарыыга биллэр кылааттарын киллэрэллэр. Түмэл устуоруйатыттан ахтан ааһар буоллахха, 18 үйэҕэ гректыы «Дом муз» диэн ааттаммыт туспа дьиэлээх-уоттаах түмэллэр устуоруйа хайа эрэ кэрчик кэмигэр туттулла сылдьыбыт тэрили-тээбирини,култуура, духуобунас сыаналаах малларын хомуйан,үөрэтэн,харайан кэпсиир сырдатар сыаллаах тэриллибиттэр.19-с үйэттэн билим анаан-минээн хас биирдии экспонаты иҥэн-тоҥон үөрэтэр буолбута.Олох сайдан истэҕин аайы музей эмиэ сайдан иһэр аналлаах.Билиҥҥи сайдыылаах сыыппара үйэтигэр аан дойду түмэллэрин интернет ситиминэн киирэн, тугу баҕарбыккын дойду араас сиригэр көрүөххэ эмиэ сөп.Ньурба куоракка баар *К.Д.Уткин аатынан Норуоттар доҕордоһууларын Ньурбатааҕы түмэлэ* сылдьыбыт эрэ барыта хайҕыы, сөҕө көрөр, аныгылыы цифровой технологиялаах, араас бырайыактарынан үлэлиир түмэл-Ньурбабыт киэн туттуута. *Хаҥалас нэһилиэгэр В.А.Петрова аатынан кыраайы үөрэтэр оройуон түмэлин филиала 2014 сыллаахха аһыллан нэһилиэк биир киэн туттар култуурнай миэстэтинэн буолла.* Музей сэбиэдиссэйинэн опыттаах салайааччы, СӨ муниципальнай сулууспа туйгуна, Ньурба оройуонун Бочуоттаах олохтооҕо, бэйэтин айылгытынан бу идэҕэ олус чугас, историк идэлээх *З.В.Анисимова* үлэлиир. 2021 сыл түмүгүнэн В.А.Петрова аатынан кыраайы үөрэтэр музей салайааччыта *Зинаида Васильевна Анисимова* СӨ Култуураҕа уонна Духуобунаска Министерствотын анал *“Лучший сельский музейный работник”аатын ылбыта.* 2024 сыллаахха музей үлэһиттэрэ *федеральнай Президент фондун Граныгар, Ил Дархан бырайыактарыгар үлэлэһэн, кыайыылаах тахсан, Граҥҥа тиксибиттэрэ*, онон үлэлэрин ис хоһооно кэҥээн иһэр.Интерактивнай музей бырайыагынан ылбыт Граннарыгар цифровой панель ылан үлэлэтэллэр. Граннарга бырайыактарга үлэлэһэргэ улахан көмөнү бу үлэҕэ опыттаах *Антонова Елена Никитовна*,нэһилиэкпит остуоруйатын үөрэтиигэ, иккис дойду оҥостубут нэһилиэгин сэрии, тыыл ветераннарын үйэтитиигэ элбэх үлэни ыытар *Александра Петровна Васильеваҕа,* үлэһиттэр махталлара муҥура суох улахан.Ону сэргэ Түмэл тиэргэнин балаҕаныгар *"Бэйэ туойа"* гончарнай мастарыскыай аһыллан, үгүс дьон сэҥээриитин, биһирэбилин ылар. Урукку дьыллар уорҕаларын уонна кэлэр кэм саһарҕатын ситимниир, норуоппут культуратын, историятын үйэтитэр аналлаах *Хаҥалас нэһилиэгин В.А.Петрова аатынан түмэл коллективын үлэһиттэрин Зинаида Васильевнаны, Денис Докторовы, Саргылана Ивановнаны Аан дойдутааҕы музейдар күннэринэн истиҥ эҕэрдэбитин тиэрдэбит* 🎊💐🌸🤗 Үүнэр сүһүөх ыччакка утуму салгыыр, үтүө үгэстэри иитэр сыаллаах үлэҕит инникитин да кэскиллээх,ситиһиилээх буоларыгар баҕаран туран, биир дойдулаахпыт Е.М.Ярославскай аатынан өрөспүүбүлүкэ түмэлин методиһа Диана Осипова бүгүҥҥү анабыл хоһоонун тылларынан түмүктүүбүн. Бүгүн Ньургуһун күнүн кытта сэргэ Бүтүн бары Музейдар аан дойду күннэрин Бэлиэ сырдык тыынынан сыдьаайа Бэлиэтэнэр ааспыт кэмнэри сэгэтэ. .. Кэрэхсэтэр эгэлгэ баай маллаах музейбыт- Кэлэр кэскил ыллыктаах кэрэһитэ, Кэнчээри ыччат киэн туттуута буолан, Кэрэни кэрэхсэтэ, үйэлээҕи үксэтэ турдун! М.Николаева,Ньурба, Хаҥалас.