Убаастабыллаах эбии үөрэхтээһин педагогтара!
Убаастабыллаах эбии үөрэхтээһин педагогтара! Эһигини бүгүҥҥү идэлээх бырааһынньыккытынан Уус Алдан улууһун дьаһалтатын уонна тус бэйэм ааппыттан итиитик-истиҥник эҕэрдэлиибит! Эһиги оҕо дьоҕурун таба көрөн сайыннарар, киниэхэ эрэл кыымын уһугуннарар ураты аналлааххыт. РСФСР, ЯАССР норуотун үөрэҕириитин туйгуна Василий Парников салайар «Кэнчээри» оҕо образцовай норуодунай ансаамбыла «Россия оҕолоро ыллыыллар-2026» диэн улахан хор күрэҕэр кыттан, Уһук Илин федеральнай уокурукка 1-кы истиэпэннээх лауреат аатын сүгэн, Кострома куоракка ыытыллыбыт Бүтүн Арассыыйатааҕы түмүктүүр түһүмэххэ кыттар үрдүк чиэскэ тиксибитэ. «Сүрэхпин оҕоҕо аныыбын» диэн эбии үөрэхтээһин педагогтарын өрөспүүбүлүкэтээҕи куонкуруһугар «Өркөн» оҕону эбии үөрэхтээһин киинин методиһа Галина Матвеева «Эбии үөрэхтээһин педагог наставнига» номинацияҕа 3-с миэстэни ылбыта. Сахалин уобалаһыгар ыытыллыбыт «Абилимпикс» доруобуйаларынан хааччахтаах оҕолорго идэ маастарыстыбатын көрдөрөр национальнай чемпионат сүүмэрдиир түһүмэҕэр Цой Эллина 1 миэстэни, Бурцева Анастасия 3 миэстэни ылары ситиспиттэрэ, салайааччы Евгения Местникова. «Абилимпикс» сүүмэрдиир түһүмэҕэр Орто-Эбэ анал интернат оскуолатын үөрэнээччилэрэ эмиэ ситиһиилээхтик кыттан, уопсай түмүккэ оскуолалар икки ардыларыгар мэтээл ахсаанынан 5 бастыҥнар кэккэлэригэр киирбиттэрэ. Үөрэх үлэһиттэрин республикатааҕы «Урожай» быыстапка-дьаарбаҥкатыгар Мүрүтээҕи эдэр натуралистар станциялара бастакы миэстэни ылары ситиспиттэрэ. Кытайга ыытыллыбыт норуоттар икки ардыларынааҕы «Хрустальный лотос» күрэххэ Бороҕоннооҕу оҕо искусствотын оскуолатын хореография 3 кылааһын үөрэнээччилэрэ Гран-При уонна 1 степеннээх лауреат буолары ситиспиттэрэ, салайааччы Ульяна Ноговицына. Е.Ф. Габышев аатынан оҕо спортивнай оскуолатын иитиллээччилэрэ Владивосток куоракка ыытыллыбыт «Приморская весна» Бүтүн Арассыыйатааҕы чэпчэки атлетика күрэҕэр Егорова Диана 2-с миэстэни ылбыта, «Спортивные якутяне» үөрэнээччилэр спартакиадаларыгар Диана Егорова - 1 миэстэ (1500, 3000 м), Эрсан Колодезников - 1 миэстэ (3000 м), Ивалина Домотова - 2 миэстэ (2000 м с/х), Алексей Местников - 3 миэстэ (2000 м), Эвелина Слепцова - 3 миэстэ (2000 м), тренердар Мария Слепцова, Иннокентий Колодезников. Тхэквандоҕа Уһук Илин федеральнай уокурук первенствотыгар Иван Петров 2-с миэстэни ылары ситиспитэ, тренер Иван Самсонов. Арассыыйа Дьоруойа М.М. Стрекаловскай уонна Аҕа дойду Улуу сэриитин бэтэрээннэрин бирииһигэр анаммыт өрөспүүбүлүкэтээҕи ытыы турнирыгар Александр Бочкарев 1 миэстэ, Наталия Бочкарева 3 миэстэ буолбуттара, тренердар Уйгулана Бурнашева, Ольга Куличкина. Фитнес-аэробикаҕа Өрөспүүбүлүкэ чемпионатыгар 1 миэстэ, тренер Туяра Лаиронова. Волейболга улахан дьоҥҥо өрөспүүбүлүкэтээҕи чемпионатка улуус сүүмэрдэммит хамаандатыгар Танда орто оскуолатын үөрэнээччилэрэ Нарыйа Сидорова, Женя Егорова оонньоон, 2 миэстэни ылары ситиспиттэрэ, тренер Максим Аммосов. Көҥүл тустууга Владивостокка ыытыллыбыт күрэхтэһиигэ Антон Лугуманов боруонса призёр, Роман Дмитриев аатынан норуоттар икки ардыларынааҕы турнирга Альберт Ефимов үһүс миэстэни ылбыта, тренер Никита Ушницкий. Благовещенскайга Георгий Победоносец аатынан Бүтүн Арассыыйатааҕы бокса күрэҕэр Эрсан Макаров үрүҥ көмүс призёр аатын сүкпүтэ, тренер Станислав Кириллин. Мас тардыһыытыгар «Спортивные якутяне» үөрэнээччилэр спартакиадаларыгар уопсай хамаанданан 3-с миэстэ, Чебоксары куоракка ыытыллыбыт Арассыыйа первенствотыгар Алексеева Софья, Домотова Рада, Охлопкова Зоя уонна Копырина Александра 1-кы, 2-с уонна 3-с миэстэлэри ылбыттара, тренердар Иван Готовцев, Эрхан Жирков, Петр Перевалов. Тында куоракка ыытыллыбыт «Бамовская осень» остуол тенниһигэр регионнааҕы турнирга Павел Павлов 1 миэстэ, Камила Попова 2 миэстэ, Егор Гоголев 3 миэстэ буолары ситиспиттэрэ, тренер Василий Яковлев. Бу кыайыылар - эһиги хас биирдиигит сыралаах үлэтин түмүгэ. Оҕолорбут ситиһиилэрэ үксээн истин! Эһиэхэ чэгиэн доруобуйаны, үлэҕит өрүү үтүө түмүктэрдээх буоларыгар баҕарабыт! Уус Алдан улууһун баһылыга Василий Алексеев.