Бүгүн улууспутугар эбии үөрэхтээһин педагогтарын күнэ бэлиэтэннэ. Бу идэлээх бырааһыннь...
Бүгүн улууспутугар эбии үөрэхтээһин педагогтарын күнэ бэлиэтэннэ. Бу идэлээх бырааһынньыкка үүнэр көлүөнэни иитиигэ-үөрэтиигэ ураты кылааттарын киллэрэр, айар куттаах уһуйааччылары чиэстээтилэр. Тэрээһин үөрүүлээх чааһыгар улуус баһылыгын бастакы солбуйааччыта Семен Бурнашев, үөрэх управлениетын начаалынньыгын солбуйааччыта Иван Никонов, үөрэх үлэһиттэрин профсойууһун бэрэссэдээтэлэ Николай Готовцев уо.д.а. кыттыыны ылан, эбии үөрэхтээһин бары үлэһиттэрин идэлээх бырааһынньыктарынан эҕэрдэлэрин тиэртилэр, оҕо дьоҕурун, талаанын арыйыыга улахан суолталаах эйгэ үлэһиттэрэ уопсастыбаҕа биир наадалаах оруолу ылалларын бэлиэтээтилэр. Бырааһынньык биир ураты түгэнинэн эбии үөрэхтээһин тэрилтэлэрин быыстапката буолла. Манна араас куруһуоктар, сиэксийэлэр айар үлэлэрин, оҕолор оҥоһуктарын, ситиһиилэрин кэпсиир истиэндэлэр туруорулуннулар. Улуус дьаһалтатын пресс-сулууспата.