МБУ ДО "Центр народной педагогики им.К.С.Чиряева"
Образование · 10 августа 2026 г.
Күммүтүн түмүктүү Тобуруокаптар ыллыктарынан күннээҕи сонуммутун үллэстэ үллэстэ, сэргэ... — 10 августа 2026 г. в 01:05:26.646
Күммүтүн түмүктүү Тобуруокаптар ыллыктарынан күннээҕи сонуммутун үллэстэ үллэстэ, сэргэстэһэ хонуктуур алааспытыгар тиийэн ирэ хоро кэпсэтэн дьоллоох да дьон утуйбуппут✨✨✨ [10.08, 09:52] Семен Викторович: Төннөр суолбутугар Иван Иванович Шамаев бииргэ айанныыр буолан отой Дьокуускай куораппытыгар айахпыт хам буолбат гына элбэҕи кэпсэтэ, истэ, иҥэрэ, сэһэргэһэ, анаара тиийдибит☀️ 🪄✨✨✨ Быыһыгар утуйан ылан сынньанан, тэҥҥэ бииргэ ырыа ыллаан мэниктээн, оҕолуу ис сүрэхтэн, аһаҕастык ол эрэн төрөппүт буолан эппиэтинэстээхтик ылынан айаннатан кэллибит. Сити курдук 3 күннээх экспедициябыт тэтимнээхтик, элбэх билиини, киэҥ көрүүнү, сэргэх алтыһыыны бэлэхтээн ааста ол эрэн хас биирдиибитигэр бу 3 эрэ күн буолбакка арааската нэдиэлэ кэриҥэ алтыһыы курдук буола уонна соччо уопуту бэлэхтээтэ. Бу маны барытын этэн туран махтаныам этэ Вилюяналаах Екатеринаҕа хаһан эрэ "давай" диэн киирбит иэйиилэрин ыһыктыбакка барытын сөрү сөпкө толкуйдаан, массыынаны кэпсэтэн, отой организационнай чаас өттүгэр кыһаллыбакка, толору этиллибити иҥэрэ, билэ-көрө, астына, дуоһуйа сылдьыбыппытыгар. Ыымпыгар чыымпыгар тиийэ толкуйдаан утары уунар бэлэҕи кытта учуоттаан харчы хомуйа охсон, сөрү сөпкө тайанан ылбыккытыгар. Хас биирдии экспедицияны өйөөн харчы ыыппыт төрөппүттэргэ итии истиҥ махтал🫶🏻🥰💖🫶🏻👍🏻✨✨✨ Хас биирдии түмэл үлэһиттэригэр уонна алтыспыт дьоммутугар бу маннык бэриниилээхтик, харах уоттаах, киэҥ туттан, дойдуга бэриниилээхтик, таптал уотун истэригэр тута сылдьан тарҕата сылдьалларыгар барҕа махтал уонна сүгүрүйүү 🫂🫂🫂🥰🥰🥰💖💖💖🙌🏻🙌🏻🙌🏻✨✨✨🫶🏻🫶🏻🫶🏻🪄 Хас биирдии бу экспедицияҕа "сөп" диэн сөбүлэһэн кэлбит төрүппүккэ Дарияҕа, Сахаяҕа, Ленаҕа, Оляҕа, Юляҕа бу кэрэ эйгэҕитин тулаҕа тарҕата сылдьаргытыгар барҕа махтааал🫶🏻🫶🏻🫶🏻😘😘😘😘😘 Махталы кытта Амматааҕы "Ийэ тыл" сүбэтин, "Итэҕэл, сиэр-туом" салаатын салайааччыта, Амма 1#-дээх оскуолатын төрөппүтэ Анна Винокурова💖✨🪄 [10.08, 09:56] Семен Викторович: Атырдьах ыйын 7-9 күннэригэр төрөппүттэр түмсүүлээх бөлөхтөрө Бүлүү уонна Үөһэ Бүлүү улуустарыгар бэрт сыаллаах-соруктаах экспедицияҕа сырыттыбыт. Экспедицияҕа Чирээйэптэр ааттарынан национальнай гимназия, Сахагимназия, Айыы Кыһата, РЛИ, Амма бастакы нүөмэрдээх оскуола төрөппүттэрэ 8 буолан кытынныбыт. Айаммыт былаһын тухары улуустарбыт устуоруйатын, биллиилээх дьоммут олохторун кытары билистибит. Бүлүү Кыадаҥдатыгар Гаврил Чиряев, Үөһэ Бүлүү Ороһотугар норуот педагогикатын, Нам нэһилиэгэр Петр Тобуруокап уонна Кэнтиккэ Чап уустар түмэллэрэ буоллулар. Ураты бэлиэ түгэнинэн Ороһуга нэһилиэнньэни кытары ыытыллыбыт төгүрүк остуол буолла. Манна бүгүҥҥү күҥҥэ оҕо иитиитин боппуруостарын тула аһаҕас, дириҥ сэһэргэһии таҕыста, санаа үллэстиитэ буолла. Петр Тобуруокап ыллыгынан сылдьан кини айбыт өлбөт-сүүппэт ырыаларын, хоһооннорун санаан-ахтан аастыбыт.Экспедиция кыттыылаахтара айылҕалыын алтыһар ураты түгэни эмиэ куоттарбатыбыт. Нам нэһилиэгэр Бүлүү өрүс үрдүгэр баар «Ырыа алааһа» диэн үчүгэйкээн сиргэ балаакканан хоно сыттыбыт, кутаа уокка чэй өрүнэн, миин буһарынан олус астынныбыт. Хас биирдии түмэлгэ бэйэ баҕатынан хомуллубут харчыга ламинатор, пленка уонна А4 кумааҕы ылан бэлэх ууннубут. Сахабыт сирин кэскилин туһугар үлэлиир, умайа сылдьар харахтаах, киэҥ тутта кэпсиир түмэл үлэһиттэрин олус сөбүлээтибит, кинилэринэн киэн тутуннубут. Бу экспедиция тэрээһинэ олус үрдүк таһымнаахтык ааста, биһигини саҥа былааннарга, бырайыактарга кынаттаата. Биир уопсай бырайыагынан буолла бу үөрэх сылыгар Бастыҥ ыал диэн көһө сылдьар кубоктаах тэрээһин ыытыллара быһаарылынна. Тэрийбит, иилээн-саҕалаан илдьэ сылдьыбыт Вилюяна Никитинаҕа истиҥ Махталбын, Тапталбын, Убаастабылбын тиэрдэбин😘 ЯГНГ төрөппүтэ Е.В.Пинигина