МБУ ДО "Центр народной педагогики им.К.С.Чиряева"
Образование · 10 августа 2026 г.
[10.08, 09:52] Семен Викторович: Атырдьах ыйын 7 күнүттэн 9 күнүгэр диэри "Өбүгэ үөрэҕэ... — 10 августа 2026 г. в 01:05:26.144
[10.08, 09:52] Семен Викторович: Атырдьах ыйын 7 күнүттэн 9 күнүгэр диэри "Өбүгэ үөрэҕэ" диэн төрөппүт экспедициятыгар сылдьан кэллибит. Амма 1 #-дээх оскуолатын төрөппүттэрин аатыттан экспедиция составыгар киирбит дьоллоохпун. Бүлүүгэ уонна Үөһээ Бүлүүгэ 3 күннээх, 2 түүннээх экспедициябыт бырагырааммата олус интэриэһинэйдик толкуйданан бу күннэрбит сүрдээх тэтимнээхтик уонна толору туһалаахтык аастылар. Атырдьах ыйын 7 күнүгэр, бастакы күммүтүгэр, Дьокуускай куораппытыттан анаммыт сирбитигэр мустан 8 буолан сарсыардаттан айаммытыгар туруннубут. Бүлүү куоратыгар Еремей Константинович Чиряев делегациябытын эйэҕэстик көрсөн куорат устун уулуссалар ааттарын ааттыы ааттыы, куорат историятын кэпсии-кэпсии айаннаатыбыт. Салгыы Үөһээ Бүлүүгэ Кыадаҥдаҕа Гавриил Чирээйэп түмэлигэр Михаил Семёнович Томскай уонна Ефросинья Егоровна нэһилиэк киириитигэр көрсө түһэн бэт интэриэһинэйдик кэпсээн, сыһыаннаах сирдэрин көрдөрөн бардылар. Кыадаҥдаҕа бэйэтигэр сүрдээх үчүгэй түмэлгэ сылдьан, элбэҕи билэн, оччотооҕу дьон олус да мындырдарын уонна бэриниилээхтик дьон туһугар үлэлииллэрин өйдөөн сөхтүбүт, махтанныбыт. Ефросинья Егоровна оскуола иһигэр хайдах оҕолору интэриэһиргэтэн оччолорго билиҥҥи ватсап чатын курдук түннүк оҥоһуллан оҕолору кытта аһаҕастык үлэлээбиттэрин кэпсээн сөхтөрдө. Михаил Семёнович сүрдээх угутуулаахтык ол саҕанааҕы салалта уонна оскуола салалтата хайдахтаах курдук бэртээхэйдик таһаарыылаахтык үлэлээбиттэрин сырдатта уонна дөксө чаҕылытан бэйэтин айбыт хоһоонунан кэпсээнин түмүктээтэ. Бу маннык бэртээхэй күммүтүн, хонукпутун түмүктүү Үөһээ Бүлүү Нам нэһилиэгэр Тобуруокаптар алаастарыгар балааккабытын тэринэн хоннубут🫶🏻👍🏻👍🏻👍🏻✨ [10.08, 09:52] Семен Викторович: Үһүс күммүт алааспытыгар бэрт сэргэхтик суор, элиэ хаһыыларынан уһуктууттан саҕаланна. Аргыый наллаан сүрэх баҕатынан ким тугу гынарынан холкутук сылдьан, ол да буоллар сып-сап сээкэйбитин, бөх-сах хомунан, алааска баар бөҕү кытта хомуйан, улахан ардаҕа суох атааран эрэр диэн үөрэн алааспытын кытта барҕа махталлаах, сүгүрүйүүлээх атаарыстыбыт✨✨✨ Дьэ уонна Кэнтик нэһилиэгэр Чап уустарын түмэлигэр тиийэн түмүктүүр билиибитин-көрүүбүтүн истэн, көрөн отой да ах бардыбыт, өбүгэлэрбит сүрдээх да мындырдарын, айылҕалыын ситимнэрэ күүстээҕин, айылҕаҕа ийэҕэ курдук харыстабыллаахтык сыһыаннаһалларын аҥардас балаҕан тутуутуттан биллибит ону таһынан омук кэскилэ оҕону иитиититтэн (чуолаан кыыс оҕо киэҥ көрүүтүттэн, бэйэтин сыаналыырыттан) уонна дьиэ кэргэн холумтаныттан хайдахтаах курдук тутулуктааҕын төбөбүтүгэр буһаран, уһааран таҕыстыбыт🥰🫶🏻💖👍🏻✨✨✨🪄 [10.08, 09:52] Семен Викторович: Атырдьах ыйын 8 күнэ сарсыардаттан сөтүөлээн ылыыттан, мааны күммүтүн остуол тула мустан олорон Алгыс тылларыттан, Екатерина тигээйи воскутуттан оҥоһуллубут эмтээх оттоох бэлэҕиттэн өрө көтөҕүллүүлээхтик саҕаламмыта✨✨✨ Онтон Ороһуга норуот педагогикатын түмэлигэр тиийдибит. Дьэ онно уонна Константин Спиридонович Чиряев аатынан түмэлгэ сылдьан арааската олох атын көрүүлээх-истиилээх, умайа сылдьар харахтаах, бэргэн этиилээх, этиэх тыыныах баҕалаах дьон таҕыстыбыт буолуо күн бүтүүтэ🤩🤩🤩😍✨✨✨ Манна хайаатар да бигэргэтэн этиэххэ наада бырагыраамма олус бэрткэ толкуйаммытын. Түмэл салалтата киириэхпититтэн быыкаа оҕолору курдук сиэтэ, илдьэ сылдьан ис дууһатыттан, бэриниилээхтик, киһи эрэ уой даа дии дии батыһан истэр гына тиэрдиитин. Ону таһынан көрөн бүтээппитин кытта нэһилиэнньэни кытта көрсүһүү, аһаҕас кэпсэтии олус арылхайдык ааста. Уонна бу Түмэлгэ көрбүт, ааттаммыт дьону кытта атах тэпсэн олорон санаа атыстаһар олус таһаарыылаах буоларын бигэргэттэ. Бу түмэлгэ үлэ түмүгэр бэртээхэй этиилэр уонна сыллааҕы былаан көрүүлэрэ таҕыстылар🫶🏻🫶🏻🫶🏻👍🏻👍🏻👍🏻🤩✨✨✨ Онон эрэ тохтообокко Намҥа Петр Тобуруокап музейыгар баран, музей үлэһиттэрин угутуулаах кэпсээннэринэн Тобуруокаптар алыптаах таптал иэйиилээх эйгэлэригэр сууланан, туолан, астынан, дуоһуйан бу хайдахтаах курдук тылбыт баайын оннооҕор ороҥҥо кытта хоһоон айыллыаҕын сөбүн сөҕөн таҕыстыбыт😍🤩🥰✨✨✨