Мас тардыһыыта: Чурапчы мадьынылара полиция майора В.А. Никитин кэриэһигэр анаммыт турн...
Мас тардыһыыта: Чурапчы мадьынылара полиция майора В.А. Никитин кэриэһигэр анаммыт турнирга ситиһиилээхтик кытыннылар! ✊🏆 Балаҕан ыйын 26–27 күннэригэр Амма улууһун Мээндигитигэр полиция майора В.А. Никитин сырдык кэриэһигэр анаммыт мас тардыһыыга VI аһаҕас турнир үрдүк таһымнаахтык буолан ааста. Киирсии хонуутугар биһиги ДЮСШ иитиллээччилэрэ бэйэлэрин күүстэрин уонна кыайыыга дьулуурдарын көрдөрдүлэр. Биһиги эдэр мадьыныларбыт ситиһиилэрэ: 🥇 Аржаков Степан (56 кг) — тыҥааһыннаах киирсиилэр түмүктэринэн чаҕылхай кыайыыны ситиһэн, 1 миэстэни ылла! 🥉 Гоголев Герман (38 кг) — кыаҕын көрдөрөн, 3 бочуоттоох миэстэҕэ таҕыста. 🥉 Демешин Дамир (74 кг) — хорсуннук киирсэн, эмиэ 3 миэстэни ылары ситистэ. Эдэр спортсменнарбытын, кинилэри өрүү өйүүр күндү төрөппүттэрин уонна уолаттары кыайыыга кынаттыыр күүстээх тренердэрбитин — Егор Савельевич Капитоновы, Ньургун Иванович Седалищевы ис сүрэхтэн итиитик-истиҥник ситиһиилэринэн эҕэрдэлиибит! 🎉🏆 Уолаттарбытыгар өссө да үрдүк дабайыылары, чэгиэн доруобуйаны уонна саҥа кыайыылары баҕарабыт! 🤝