Чурапчы сиригэр мас тардыһыытын тыҥааһыннаах киирсиилэрэ саҕаланнылар! ✊🏆
Чурапчы сиригэр мас тардыһыытын тыҥааһыннаах киирсиилэрэ саҕаланнылар! ✊🏆 Бу күннэргэ Чурапчы сэлиэнньэтэ Саха сирин күүстээх мадьыныларын түһүлгэтигэр кубулуйда. Кулун тутар 28-29 күннэригэр А.И. Федотов аатынан МФСК иһигэр мас-тардыhыытыгар өрөспүүбүлүкэбит первенствота үрдүк таһымнаахтык ыытыллар. 💥 Уопсайа 282 эдэр мадьыны кыайыы туһугар күүһүн-кыаҕын холонор. Күрэххэ Сахабыт сирин араас муннуктарыттан 18 күүстээх хамаанда муһунна: 📍 Томпо, Өлүөхүмэ, Ньурба, Эдьигээн, Кэбээйи, Горнай, Чурапчы, Уус-Алдан, Бүлүү, Таатта, Амма, Дьокуускай, Үөһээ Бүлүү, Мэҥэ-Ханалас, Ханалас, Нам, Нерюнгри уонна Сунтаар. 🏔✨ Сарсыарда 10 чаастан хас биирдии киирсии олус тыҥааһыннаахтык ааһыа — эдэр мадьынылар уопуттаах маастардартан хаалсыбакка, дьулуурдаахтык уонна эрчимнээхтик киирсиэхтэрэ. Ким күүстээх — ол кыайдын! Чурапчы олохтоохторун уонна ыалдьыттарын кэлэн эдэр талааннарбытын өйүүргүтүгэр ыҥырабыт! Спорт тыына уонна дохсун ытыс тыаһа хас биирдии спортсмеҥҥа кынат уурар. 📢💪 Сирэ: Чурапчы с., А.И. Федотов аатынан МФСК. Бириэмэтэ: Кулун тутар 28-29 күннэрэ, 10:00 чаастан.