🏃🏽♂️➡️🏃🏻➡️🏃🏼♀️➡️🏃♀️🏃🏻🏃🏻♂️🏃🏻➡️🏃🏻♂️🏃🏽♂️➡️🏃🏻➡️
🏃🏽♂️➡️🏃🏻➡️🏃🏼♀️➡️🏃♀️🏃🏻🏃🏻♂️🏃🏻➡️🏃🏻♂️🏃🏽♂️➡️🏃🏻➡️ *Балаҕан ыйын 23-24 күннэригэр* Сунтаар нэһилиэгэр иккис төгүлүн өрөспүүбүлүкэ таһымнаах атах оонньуутугар СР үөрэҕириитин, физкультура уонна спорт туйгуна, РФ уопсай үөрэхтээһин Бочуоттаах үлэһитэ убаастанар учуутал, тренер *Анатолий Павлович Осипов* сырдык кэриэһигэр улахан күрэх буолан ааста. Уопсайа 88 атах оонньуутун сэҥээрээччилэр Нюрбаттан, Күндэйэттэн, Кириэстээхтэн, Аллыҥаттан, Сунтаартан кэлэн күөн көрүстүлэр. Күрэх сүрүн салайааччытынан, судьуйатынан Анатолий Павлович уһуйааччыта Уйусхан Егоров буолла. Бириис фондатын уопсай суммата 280 000 солк буолан бэрт дэлэгэй бириистээх күрэх ааста. Бу бириистэри барытын Палыч бииргэ үөрэммит үөлээннэхтэрэ, аймахтара, киниэхэ уһуйуллубут тренердар, маастардар, өрөспүүбүлүкэ араас муннугар олорор уһуйааччылара, ону тэҥэ супер приз кэргэнэ Валентина Семеновна, оҕолоро 50000 солк уу харчынан туруорбуттар. Барыта үс көрүҥҥэ кылыы, ыстаныы, куобах курдук ыарахан көрүҥнэргэ киирсэн ким бэлэмнээх, кыайыыга эрэллээх иннилэрин биэрбэтилэр. Үс көрүҥ түмүгүнэн кыайыылахтарынан буоллулар: *2010-2011 сыл төрүөх кыргыттарга* 🥇Иванова Далаана (Сунтар) 🥈Гриц Диана (Сунтар) 🥉Протопопова Виктория (Сунтар) *2010-2011 сыл төрүөх уолаттарга* 🥇Емельянов Ярослав (Аллана) 🥈Яковлев Айылаан (Аллана) 🥉Прокопьев Сергей (Крестях) *2012-2013 сыл төрүөх кыргыттарга* 🥇Маркова Сандаара (Сунтар) 🥈Лисовенко София (Ньурба Антоновка) 🥉Николаева Света (Сунтар) *2012-2013 сыл төрүөх уолаттарга* 🥇Иванов Максим (Ньурба Антоновка) 🥈Васильев Дьулустаан (Ньурба Маар) 🥉Саввинов Антон (Сунтар) *2014-2015 сыл төрүөх кыргыттарга* 🥇Игнатьева Виктория (Сунтар) 🥈Тертюхова Илона (Сунтар) 🥉Очосова Виктория (Сунтар) *2014-2015 сыл төрүөх уолаттарга* 🥇Егоров Айтал (Ньурба Антоновка) 🥈Илларионов Сулустаан (Сунтар) 🥉Николаев Эрчим (Ньурба Антоновка) Бастакы миэстэҕэ 17000 солк, иккис миэстэҕэ 12000 солк, үһүс миэстэҕэ 7000 солк бириистэнэн оҕолор саха тэҥэ суох буолан астыннылар. Кыра саастаах кыттааччыларга Нелли Андрееваҕа, Дархан Саввиновка "Сайдам" маҕаһыын туруорбут, 2 нүөмэрдээх оскуола 1984 сыллаах выпускниктара үчүгэй көрдөрүүлээх Сулустаан Илларионовка анал бириистэри туттардылар. Ону тэҥэ кыайыылаах оҕолору такайбыт, эрчийэр тириэнэрдэргэ 10000 солк "Мой кейс" маҕаһыынтан сертификат бэлэхтэннилэр. Анатолий Павлович бииргэ үөрэммит доҕоро Мария Афанасьевна Тараярова истиҥник санаан, кини хайдах курдук дьоҕурдааҕын, кылаас биир бастыҥ оҕото буоларынан киэн тутталларын этэн туран кини аатын үйэтитэ сылдьар, сүгүрүйэр иитиллээччитигэр, тренергэ Уйусхан Егоровка кылаас аатыттан бэлэхтэрин туттарда. Бу буоллаҕа учууталга сүгүрүйүү, махтаныы, убаастабыл кини аатын өрө тутуу🙌🏼 Анатолий Павлович дьиэ кэргэнэ саамай үчүгэй көрдөрүүлээх кыттааччыга Сандаара Марковаҕа 20000 солк, такайааччытыгар Уйусхан Егоровка 30000 солк туттаран икки бүк дьоллоотулар💐💐💐 Маннык үрдүк таһымнаах күрэх инники кэскиллэрбитигэр өссө да элбэх ситиһиини, үрдүккэ дабайыыны аҕала туруо диэн эрэнэ хаалабыт🙌🏼 Сонуну суруйда: Тертюхова Л. 24.09.2026