Арассыыйаҕа дьиэ кэргэн, таптал, уонна бэриниилээх буолуу күнүгэр сөп түбэһиннэрэн "Хор... — 8 июля 2026 г. в 09:05:06.094
Арассыыйаҕа дьиэ кэргэн, таптал, уонна бэриниилээх буолуу күнүгэр сөп түбэһиннэрэн "Хоро нэһилиэгэ" тыа сирин түөлбэтин дьаһалтата (Баһылык Альберт Александрович Иванов) Олохтоох Көҕүлээһиннэри Өйүүр Программаҕа кыайан хараҕы үөрдэр, оҕолорбутун аралдьытар Оҕо оонньуур былаһааккатын бэлэх ууннулар. Бу үөрүүлээх түгэҥҥэ оҕолорбут, төрөппүттэр тоҕуоруһа муһуннулар. Саҥа тутуубут аанын аалай кыһыл лентатын "Хоро нэһилиэгэ" тыа сирин түөлбэтин дьаһалтатын солбуйааччы баһылыга Лариса Анатольевна Константинова уонна кэнчээри оҕобут Яромир Винокуров үөрүүлээхтик кырыйан ыалдьыттары ыҥырдылар. Баҕа санаа бастыҥын эттилэр, эҕэрдэ ырыатын Ярик Винокуров ыллаан дьиэрэттэ. Бу үөрүүлээх түгэни үллэстэн, дьиэ кэргэн күнүнэн эҕэрдэлээн улахан дьиэ кэргэн ийэтэ Мария Машникова оҕолорунаан астаан минньигэс кэмпиэттэри, бурдук астары хас биирдии оҕоҕо бэлэхтээн үөртүлэр. Оонньуур площадкабыт кырачаан оҕолорбут күлүүлэринэн-үөрүүлэринэн туолла🤗🤗🤗