Бүгүн от ыйын 31 күнүгэр, Набережнай скверигэр Саха Өрөспүүбүлүкэтин Ветераннарын сэбиэ... — 31 июля 2026 г. в 10:42:16.463
Бүгүн от ыйын 31 күнүгэр, Набережнай скверигэр Саха Өрөспүүбүлүкэтин Ветераннарын сэбиэтэ тэриллибитэ 4️⃣0️⃣ сылын көрсө Өрөспүүбүлүкэ ветераннарын былааҕын 🚩арыаллыыр делегацияны кытта үөрүүлээх көрсүһүү ыытылынна. Делегацияны салайан кэллэ СР Тыатын хаһаайыстыбатын үтүөлээх үлэһитэ, Россия журналистарын сойууһун чилиэнэ, улуус бэтэрээннэрин сэбиэтин председателя Иван Егорович Чычахов, кыттыыны ыллылар Үөһээ Бүлүү улууһун Үөдүгэй нэһилиэгин бочуоттаах олохтооҕо, СР Гражданская доблесть бэлиэ хаһаайката, СР Государственнай гражданскай сулууспатын туйгуна, СР культуратын туйгуна Ирина Васильевна Потапова, Герой Ийэ, үлэ Ветерана,СР Норуот айымньытын сайыннарыыга кылаатын иһин бэлиэ, Үрүҥ көмүс волонтер анал аат хаһаайката, Үөһээ Бүлүү нэһилиэгин Бочуоттаах олохтооҕо, Волонтер России анал бэлиэлээх Васма Васильевна Алексеева. Делегация үөрүүлээх быһыыга-майгыга Республика ветераннарын былааҕын "Хоро нэһилиэгэ" тыа сирин түөлбэтин баһылыгар Альберт Александрович Ивановка туттарда. Саха Республикатын ветераннарын сэбиэтэ тэриллибитэ 40 сылынан бу ветераннар үлэлэрин-хамнастарын, көлүөнэлэр сибээстэрин кытаатыннарбыт үтүө үлэлэрин түмүгэ буолар. Көлүөнэлэр сибээстэрэ умнуллубатын, үтүө дьыала салҕана турдун!