*"Көмүс далаһа" күрэххэ биһиги оҕолорбут ситиһиитэ!* — 17 марта 2026 г. в 06:01:00.437
*"Көмүс далаһа" күрэххэ биһиги оҕолорбут ситиһиитэ!* Кулун тутар 13-14 күннэригэр, өрөспүүбүлүкэ таһымнаах "Көмүс далаһа" ырыа-үҥкүү күрэҕэр биһиги нэһилиэктэн чулуу кырачаан оҕолорбут - Кирилл Александров уонна Ася Борисова ситиһиилээхтик кыттан, үөрүү-көтүү бөҕөнү аҕаллылар. Бу күрэх – оҕолор айар дьоҕурдарын, талааннарын сайыннарар, саха ырыатын уонна үҥкүүтүн кэрэтин арыйар сүдү тэрээһин буолар. Биһиги кырачаан уһуйуллааччыларбыт, сыанаҕа тахсан, хорсуннук, бэйэлэригэр эрэллээхтик толорон, көрөөччүлэри сөхтөрдүлэр. Күрэх түмүгүнэн: • Талааннаах уолбут Кирилл Александров 2 истиэпэннээх лауреат үрдүк аатын ылары ситистэ! Кириллга инникитин даҕаны өссө үрдүк чыпчааллары баҕарабыт! • Биһиги кэрэ кыыспыт Ася Борисова эмиэ ситиһиилээхтик кыттан, бэйэтин дьоҕурун көрдөрдө. Киниэхэ инникитин даҕаны айар үлэҕэ өссө элбэх ситиһиилэри баҕарабыт! Оҕолорбут үөрүүтэ-көтүүтэ, кинилэр ситиһиилэрэ – нэһилиэкпит, улууспыт киэн туттуута. Маннык тэрээһиннэр оҕолор бэйэлэригэр эрэллэрин үрдэтэллэр, инникитин айар үлэҕэ өссө күүскэ дьулуһалларыгар көҕүлүүллэр. Барыбыт аатыттан Кириллга уонна Асяҕа, кинилэр төрөппүттэригэр уонна уһуйааччыларыгар ис сүрэхтэн махталбытын тиэрдэбит! Сахабыт оҕолоро мэлдьи айа-тута, сайда-үүнэ турдуннар! Уруй-айхал! 🎉🎶💃