Бүгүн, муус устар 24 күнүгэр, Россияҕа норуоттар сомоҕолоһууларын, Саха Өрөспүүбүлүкэти... — 25 апреля 2026 г. в 02:27:20.533
Бүгүн, муус устар 24 күнүгэр, Россияҕа норуоттар сомоҕолоһууларын, Саха Өрөспүүбүлүкэтигэр " Култуура" сылларынан ону тэҥэ " Айылгы" уһуйаан 65 сыллаах үбүлүөйүн бэлиэтиир сыаллаах, улуустааҕы оҕо уһуйаанын иитиллээччилэрин сольнай ырыа толоруутугар "СААСКЫ ТАММАХТАР" ырыа күрэҕэ буолан ааста. Конкурс сүрүн сыалынан саҥа талааннары арыйыы, муусука салайааччытын профессиональнай таһымын үрдэтии, төрөөбүт дойдуга, тылга, ырыаҕа тапталы иитии. Конкурска уопсайа 14 оҕо 5 уһуйаантан кыттыыны ыллылар. Ол курдук Атамайтан " Радуга" оҕо уһуйаана, Орто-Суртан "Кустук", Одунутттан " Туллукчаана", Бэрдьигэстээх Х.К.Татаринова аатынан " Сардаана" уһуйаана. Дьүүллүүр сүбэҕэ Тимофеева К.И., Иванов С.И., Корякина А.Х. муусука киэҥ эйгэтигэр дьоҕурдаах, үүнэр көлүөнэ талаанын таба арыйар дьоммут-сэргэбит олордулар. " Айылгы" уһуйаантан кыттыыны ыллылар,кып кырачаан кэрэ кыргыттарбыт 4 саастаах Люба Петрова уонна Таина Коврова. Ол курдук "Сааскы таммахтар" улуустааҕы сольнай ырыа күрэҕин кылаан кыайыылааҕынан 5 саастаах " Айылгы" уһуйаан иитиллээччитэ Таина Коврова ааттанна.Уус уран салайааччыта Е.Е.Федорова. Оҕолор бука бары үрдэл, добун суруктары ону кытары сыаналаах бириистэринэн наҕараадаланнылар. Оттон "Көрөөччү биһирэбилинэн , Таина Коврова буолла. Күрэххэ оҕолорго үөрүүнү, бука барыларыгар бириис туруорбут спонсордарбытыгар дириҥ махталбытын тиэрдэбит. Олохтоох дьаһалта глава солбуйааччытыгар П.Г.Абрамоваҕа, С.Г.Ковров аатынан орто оскуола директорыгар А.А.Константиноваҕа уонна " Айылгы" уһуйаан төрөппүт кэмитиэтигэр барҕа махталбытын тиэрдэбит. " Айылгы" уһуйаан кэллэктиибин аатыттан кыайыылаах, миэстэлэспит оҕолорго, төрөппүттэригэр, салайааччыларыгар истиҥ эҕэрдэбитин тиэрдэбит!