Муус устар 22 күнүгэр "Биһиги күүспүт-сомоҕолоһууга" ыччат бэстибээлэ Октябрьскай нэһил... — 23 апреля 2026 г. в 08:25:38.685
Муус устар 22 күнүгэр "Биһиги күүспүт-сомоҕолоһууга" ыччат бэстибээлэ Октябрьскай нэһилиэгэр үрдүк тэрээһиннээхтик ыытылынна. Бэстибээл кэнсиэрэ омуктар доҕордоһууларын үҥкүүлэринэн туоруруллубут дьүһүйүүнэн саҕаланна. "Ыллык", "Сандаара" ансаамбыллар, С.Г. Ковров аатынан Күөрэлээх оскуолатын "Көмүс үргэл" ансаамбыла толорууларыгар ырыалары көрөөччүлэр ытыс тыаһынан доҕоһуоллаатылар. Анюта Корякина "Төрөөбүт дойдум", Павел Игнатьев "Ырыаһыт дьылҕата", Анюта, Евгений Корякиннар "Дьоллоохпун", "Ыллык" квинтет "Ыллыыбыт" ырыалара кэрэхсэбили ылла. Ыччаттар эдэрдии эрчимнээхтик, үҥкүү кэрэ алыбар ылларан үҥкүүлээн тэйдилэр, бииртэн биир кэрэ үҥкүүлэр тахсан истилэр. "Кынат" оҕо ансаамбыла кыргыз норуотун, кэрэ аҥаардар "Чороонноох", "Күөрэй" ыччат үҥкүү бөлөҕө "Тэбэнэттээх—эдэр саас" үҥкүүлэрэ дьон-сэргэ сүргэтин көтөхтө. «Төрүт» фольклорнай ансаамбыл «Дьөһөгөй айана» нүөмэрэ киэҥ сэҥээриини ылла. Кэнсиэр улуус гимнинэн уонна олохтоох автор Сергей Иванов «Горнайым» ырыанан түмүктэннэ. Александр Петров «Боотурдар”, “Ыллык” ансаамбыл “Ол саха буолбатах” ырыаларынан, “Күндүүнэ” ансаамбыл узбекскай үҥкүүнэн эҕэрдэлээтилэр. Кулуб дириэктэрэ Елена Ивановна Жиркова, Горнай улууһун култууратын салайааччытыгар Вероника Николаевна Быгановаҕа эҕэрдэ суругун, күүс-көмө буолбут иистэнньэҥнэргэ, сүүрбүт-көппүт дьоҥҥо, оформленияҕа үлэлэспит дьонугар махтал суругун туттарда. Күөрэлээх ыччата өрүүтүн маннык көхтөөх, түмсүүлээх буолуоҕуҥ, биир санааннан сыалбытын стиһиэҕиҥ!