Ытыктабыллаах Маҥааспыт нэһилиэгин учууталлара, үөрэх эйгэтин үлэһиттэрэ, педагогтар!
Ытыктабыллаах Маҥааспыт нэһилиэгин учууталлара, үөрэх эйгэтин үлэһиттэрэ, педагогтар! Учуутал күнүнэн эҕэрдэлиибит!Күндү учууталларбыт! Былааннаабыт үлэҕит барыта олоххо киирэн истин, ситиһии сиэттиһэ сырыттын, санаабыккыт барыта сатанан истин, толкуйдаабыккыт барыта тобулла турдун, баҕарбыккыт барыта баар буолан истин! Куруук эдэрдии эрчимнээхтик, үөрэ-көтө, ыалдьыбакка-кырдьыбакка сылдьаргытыгар, үлэҕитигэр үрдүктэн үрдүк ситиһиилэри баҕарабыт уонна бэйэбит улахан барҕа махталбытын тиэрдэбит диэн туран,"Учууталга-махтал!"эҕэрдэ кэнсиэри Эльмира Лазарева,Эделина Тимофеева арыйдылар.Эҕэрдэ тылы Маҥаас сүрүн оскуолатын директора Захар Захарович Петров тиэртэ,биһиги оскуолабыт физкультураҕа учууталынан үгүс сылларга уһуннук ситиһиилээхтик үлэлээбит Василий Николаевич Саввиҥҥа "Российскай Федерация үөрэҕириитин бочуоттаах үлэһитэ " үрдүк аата иҥэриллибитин туһунан бирикээс ааҕаатын,мустубут дьон-сэргэ ытыһын тыаһа өрө хабылла түстэ.Василий Николаевич үгүс сылларга сыралаах үлэтэ,Россияҕа тиийэ үрдүк сыаналаммытынан истиҥник эҕэрдэлиибит! Истиҥ-иһирэх эҕэрдэ кэнсиэркэ,үөрэнээччилэр ырыалара-тойуктара,үҥкүүлэрэ-битиилэрэ ытыс дохсун тыаһынан доҕуһуоланна.Үгэс быһыытынан түмүккэ бастыҥ учууталларга номинация туттарыы буолла."ЛУЧШИЙ УЧИТЕЛЬ НАЧАЛЬНЫХ КЛАССОВ"-үөрэнээччилэр куоластааһыннарынан Михайлова Венера Васильевна,"УЧИТЕЛЬ ПРОФЕССИОНАЛ"үрдүк ааты Михайлова Полина Ивановна,дьэ уонна саамай үрдүк ааты "ЛУЧШИЙ УЧИТЕЛЬ ГОДА"ааты Михаил Афанасьевич Федоров ылла.Өссө төгүл учууталларбытын эҕэрдэлиибит.