Билиҥҥи кэмҥэ оҕону кыра сааһыттан патриот, Ийэ дойдуга бэриниилээх буола улаатарыгар и...
Билиҥҥи кэмҥэ оҕону кыра сааһыттан патриот, Ийэ дойдуга бэриниилээх буола улаатарыгар иитэн таһаарыы соруга хааһааҥҥытааҕар да сытыытык турар. Төрөөбүт дойдуга тапталы иҥэрии дьиэ кэргэниттэн, төрөөбүт дьиэтиттэн, иитиллэр уһуйааныттан саҕаланар, тулалыыр эйгэтиттэн, кэпсэтэр, оонньуур оҕолоруттан, учууталларыттан күүскэ тутулуктаах. Ол курдук Аҕа Дойдуну көмүскээччи күнүгэр аналлаах тэрээһиннэр биһиги нэһилиэк тэрилтэлэригэр быйыл да сэргэхтик аастылар. Россия Дьоруойа Алексей Рафаэлович Петров портретын уруһуйдуурга күрэх ыытыллан,оскуолабыт үөрэнээччилэрин үлэлэрэ,сынньалаҥ киин фойетын стендэлэригэр быыстапка турда.Анал байыаннай дьайыыга кытта сылдьар,олохторун толук уурбут ыччаттарбыт туһунан элбэх хаартыскалардаах буклеттар көрүүгэ уурулуннулар."Кыайыыга кынаттыыр ырыалар"диэн ырыа күрэҕэр,кылаас салайааччылара оҕолорун кытта сынньалаҥ киин үрдүк сыанатыгар тахсан ,ис сүрэхтэн кыһаллан толору мустубут көрөөччүлэри сөхтөрөн,хас биирдии ырыа ытыс дохсун тыаһынан доҕуһуоланна. Дьүүллүүр сүбэ үс бөлөҕүнэн бу сэргэх тэрээһини сыаналаата. Түмүк тахсар долгутуулаах кэмигэр,оҕолор кэлбит дьоҥҥо-сэргэҕэ истиҥ ырыалары,үҥкүүлэри,хоһооннору бэлэх ууннулар. Сомоҕолоһон ,бары биир ньыгыл күүс буолан,бэртээхэй дьоро күнү аһардыбыт.Бары илии тутуурдаах,өттүк харалаах,грамоталар,сэмэй бириистэр туттарылыннылар.Алексей Петров биир дойдулаахтарыгар,кыттыбыт оҕолорго,учууталларга,тэрийээччилэргэ видеозвоногунан махталын тиэртэ. Анал байыаннай дьайыыга сылдьар уолаттарбытыгар,биир дойдулаахтарбытыгар истиҥ эҕэрдэбитин тиэрдэбит.Тимофей Афанасьевич Федотов АБДь ветераныгар ,бу тэрээһиҥҥэ кыттыбытыгар ,көрөөччүлэр ытыс дохсун тыаһынан эҕэрдэлээтилэр.