Бүгүн атырдьах ыйын 25 күнүгэр Тойуктаах Марыына аатынан култуура уонна успуорт киинигэ... — 26 августа 2026 г. в 00:29:27.235
Бүгүн атырдьах ыйын 25 күнүгэр Тойуктаах Марыына аатынан култуура уонна успуорт киинигэр дьон тоҕуоруһа муһунна. Саха Өрөспүүбүлүкэтин сэрии, тыыл уонна үлэ бэтэрээннэрин Сэбиэтэ тэриллибитэ 40 сылын көрсө ыытыллар эстэпиэтэ Кыһыл былааҕа Түмүк нэһилиэгиттэн Акана сиригэр кэлбитин көрсүү тэрээһинэ ыытылынна. Эстафета Саха сирин бары куораттарын, улуустарын, нэһилиэктэрин бүтүннүү эргийиэ . Былааҕы "Түмүк нэһилиэгэ" тыа сирин түөлбэтин аҕа баһылыга Дмитрий Николаевич Егоров "Акана нэһилиэгэ" тыа сирин түөлбэтин дьаһалтатын баһылыгын солбуйааччытыгар Саргылана Васильевна Васильеваҕа үөрүүлээх быһыыга-майгыга туттарда. Бу эстафета ыччаты дойдумсах гына иитиигэ сүрдээх улахан суолталаах. Киһи мэлдьи эдэр, тэтиэнэх сылдьыбат, кырдьар, кыаммат буолар кэмигэр кини дойдутун туһугар укпут кылаата сыаналара олус наадалаах. 40 сыл бэтэрээннэр Сэбиэттэрэ ытык кырдьаҕастарбыт туһугар кыһамньытын ууран, ыччаты кытта ситим олохтоон үгүс үлэни ыытан кэллэ. Нэһилиэк баһылыктара мустубут дьону эҕэрдэлээн туран аҕа көлүөнэ дьоммут олохторун тупсарар бэтэрээннэр Сэбиэттэрин үлэтин билиһиннэрдилэр, хас биирдии көлүөнэ олоҕо устуоруйа кэрчигэ буоларын тоһоҕолоон кэпсээтилэр. Түмүккэ бары кыттыылаахтар тэрээһини үйэтитэн хаартыскаҕа түстүлэр.