Бүген Мөслимдә дүртенче тапкыр "Җиз кыңгырау моңнары" фестивале үтте. — 21 декабря 2025 г. в 20:41:36.702
Бүген Мөслимдә дүртенче тапкыр "Җиз кыңгырау моңнары" фестивале үтте. Бәйрәм ярминкә белән башланып китте. Чарада район үзешчәннәре, районыбыз фольклор ансамбльләре чыгышын халык яратып тамаша кылды. Авыл җирлекләре, район үзәге балалар бакчалары кунакларны сыйлы табыннар белән каршы алды. Кайнар коймак, төрле чәй тәм-томнары белән сыгылып торган өстәлләрдә җылы пар чыгарып самовар кайнап утырды. Җигүле атлар бәйрәмнең төп бизәге булды. Тарантаслардан сәлам биреп узган райондашларыбыз һәркемнең күңелләренә җылы хисләр сибеп узды, диярсең. Конкур, джигитовка күренешләре дә ямь өстенә ямь булды. Райондашларыбыз төрле уеннарда катнашты, бүләкләр отты. Фестивальнең икенче өлеше "Каз өмәсе"нә багышланды. Шулай ук төрле мастер-класслар бәйрәмне бизәде. Бәйрәм йөрәкләрдә бик озак сакланачак.