🌟 Бүген Казанның Габдулла Тукай исемендәге Татар дәүләт филармониясендә ветераннар ара...
🌟 Бүген Казанның Габдулла Тукай исемендәге Татар дәүләт филармониясендә ветераннар арасында үзешчән башкаручыларның «Балкыш» («Сияние») IX Республика фестивале лауреатларының өченче гала-концерты гөрләп узды. Өлкәннәр ункөнлегенә багышланган бу масштаблы чарада Кукмара районы исеменнән районыбызның горурлыгы — «Баламишкин» халык гармунчылар ансамбле лаеклы чыгыш ясады. Артистларыбызның баян-гармун телендә сөйләгән моңнары, дәртле көйләре һәм кабатланмас осталыклары тамашачыларның күңелен әсир итте. Башкала сәхнәсендә чыгыш ясау — ул милли музыкабызны, халык традицияләрен саклауга зур өлеш керткән иҗат коллективының хезмәтенә югары бәя. «Баламишкин»нарны бу зур уңышлары белән ихлас котлыйбыз! Ныклы сәламәтлек, күңел тынычлыгы һәм яңа иҗади үрләр телибез! 🪗🌟