Хомойуох иһин бүтүн оскуолаттан үс эрэ оҕо кинигэни интэриэһиргиир эбит дуу диэн санааҕ...
Хомойуох иһин бүтүн оскуолаттан үс эрэ оҕо кинигэни интэриэһиргиир эбит дуу диэн санааҕа кэллибит. Төрөппүттэргэ, оскуолаҕа тэрээһин буоларын туһунан эрдэ биллэриллибитэ даҕаны түмүгэ көстүбэтэ. Кинигэни ааҕыы оҕо сайдыытыгар, өйө-санаата ситиһиитигэр уонна киһи быһыытынан олоххо миэстэтин буларыгар олус улахан суолталаах дии саныыбын. Маннык тэрээһиннэр оҕо тылын баайын сайыннарар. Оҕо саҥаттан саҥа тыллары билэр, этиилэри сөпкө туттарга үөрэнэр, санаатын толору тиэрдэр кыахтанар. Өйө уонна болҕомтото кэҥиир: Кинигэ ааҕар кэмҥэ оҕо дириҥник толкуйдуур, болҕомтотун түмэр, өйдүүр уонна анаалыстыыр дьоҕура үрдүүр. Айар кута уонна фантазияҕа дьайар: Ааҕар кэмигэр оҕо бэйэтэ сюжеты харахха ойуулаан көрөр, геройдары кытта тэҥҥэ санааргыыр эбэтэр үөрэр, оччоҕо кини өйө-санаата дириҥиир. Эмоциональнай интеллект (иэйиини өйдөөһүн): Дьону кытта сыһыаны, үчүгэйи уонна куһаҕаны араарыыны, аһынары уонна сомоҕолоһууну оҕо ааҕар кинигэтиттэн ылынар.