Алтынньы 14 күнэ. Уолбуттааҕы библиотека хоһугар итии чэйдээх, Бокуруоп күнүнэн алаадыл...
Алтынньы 14 күнэ. Уолбуттааҕы библиотека хоһугар итии чэйдээх, Бокуруоп күнүнэн алаадылаах остуол тардыллыбыт. Уонна тула өттүгэр араас ис хоһоонноох кинигэлэр полкаҕа сааһыланан тураллар. Остуолга хоһоонноох кинигэлэри талан библиотекарь Татьяна Петровна бэлэмнээбит. Утуу субуу тэрээһиҥҥэ кэлбит ыалдьыттар остуол тула олордулар. Кинилэргэ "Эйгэ" сынньанар киин директора Саргылана Михайловна маастар кылааска бэрт түргэнник оҥоһуллар домашняй майонез оҥорон көрдөрдө. Ыалдьыттар итии чэйи кытта алаадьылаан ону амсайдылар. Онтон биллэриигэ суруллубут ЛИБМОБ ыыттыбыт. Музыка матыыбыгар сөп түбэһэр хоһоону тута (экспромтунан) булан ааҕыы. Бу олус кэрэхсэбиллээх уонна үрдүк маастарыстыбаны эрэйэр сорудах: ааҕааччыттан сытыы өй, киэҥ айар кут уонна музыканы сүрэҕинэн тутан истии эрэйиллэр. Музыка манайгы сөкүүндэлэриттэн туох туһунан кэпсиирин өйдүү охсон күһүн дуу, кутурҕан дуу, эбэтэр айылҕа уһуктуута, үөрүү-көтүү дуу? Ону остуолтан хас да сүрүн тиэмэҕэ (айылҕа, таптал, ийэ, олох суолтата, дойду) сыһыаннаах хоһооннору матыып тыаһаата даҕаны, олортон саамай сөп түбэһэр тыллааҕын талан ылан утуу-субуу араас хоһоон ааҕылынна.Хоһоон хараастыылаах дуу, үөрүүлээх дуу ис хоһооннооҕун кытта музыка матыыба бэйэ-бэйэлэрин ситэрсэн биэрдилэр.