МБУ «Сунтарский музейный комплекс им. С.А.Зверева – Кыыл Уола»
Лайфстайл · 18 апреля 2026 г.
❇️ Быйыл Сунтаарбыт улууһа сурукка-бичиккэ киирбитэ 225 сылын чэрчитинэн ыытыллар үлэлэ... — 18 апреля 2026 г. в 05:27:14.407
❇️ Быйыл Сунтаарбыт улууһа сурукка-бичиккэ киирбитэ 225 сылын чэрчитинэн ыытыллар үлэлэр истэригэр Сунтаардааҕы С.А.Зверев - Кыыл Уолун аатынан түмэл дириҥ суолталаах бырайыагы толкуйдаан үлэтин саҕалаата. Ол курдук бырайыак үлэтин бастакынан Бордоҥ нэһилиэгэ ылсан саҕалаата. Муус устар 17 күнүгэр Бордоҥ орто оскуолатын 1-10 кылаастара "Алаас ааттаах-Дойду сурахтаах" Бордоҥ нэһилиэгин туох баар сирдэрин-уоттарын, алаастарын-сыһыыларын, өтөхтөрүн урукку ааттарын, тоҕо инник ааттааҕын, кимнээх олорбуттарын, тугунан дьарыктаммыттарын үөрэтэр бырайыак иитинэн үлэтин саҕалаата. Бу бырайыак бастакы түһүмэҕэ буолан аны оҕолор сайыҥҥы сынньалаҥнарыгар өссө дириҥэтэн үөрэтэн аныгы үөрэх дьылыгар иккис түһүмэҕэр НПК ыытыллыа, ону тэҥэ мобильнай сыһыарыыга карта оҥоһуллан дьон-сэргэ туһанарыгар кэскиллээх үлэ буолуоҕар саарбахтаабаппыт. Бу бырайыак Сунтаар улууһун бары нэһилиэктэрин оскуолаларынан ыытыллан Сунтаарбыт улууһун сирдэрэ урукку ааттарын сөргүтэн карта оҥоһуллан тахсыаҕа. ✏️ Сунтаардааҕы С.А. Сибиэрэп-Кыыл Уолун аатынан холбоһуктаах түмэл Хаартыскалары бу сигэнэн көрүҥ: https://museum-suntar.saha.muzkult.ru/gallery/17042026