Ел саен 28 майда илебездә Чик сакчылары көне билгеләп үтелә. Әлеге бәйрәм Ватан чикләре... — 29 мая 2026 г. в 15:22:49.082
Ел саен 28 майда илебездә Чик сакчылары көне билгеләп үтелә. Әлеге бәйрәм Ватан чикләренең иминлеген саклауга үзенең хезмәтен, көчен һәм яшьлеген багышлаган фидакарь ир-егетләребезне хөрмәтләү көне. Районыбызда Чик сакчылары көне аеруча зурлап, дулкынландыргыч итеп уздырыла. Чик буе гаскәрләре сафларында намус белән хезмәт итеп, туган якларына кайткан ир-егетләребез ел саен бу көнне бергә җыелып, очрашу уздыралар. Әлеге бәйрәмдә алар бер-берсенең уңышларына сөенеп, истәлекле мизгелләрне барлап, дуслык җепләрен тагын да ныгыталар. Ватан чикләрен саклау – ул зур җаваплылык, түземлек һәм батырлык таләп итүче хезмәт, һәм районыбыз егетләре бу сынауларны хәзерге көннәрдә дә намус белән үтәләр. Илебез чикләре һәрвакыт тыныч булсын! 108 еллык хәрби тарихы, дәрәҗәсе сакланган чик буе гаскәрләре бәйрәме уңаеннан запастагы чик сакчысы, хәрби ветеран, чик буе гаскәрләренең Татарстан Республикасы берлегенең Балтач районы буенча җитәкчесе Шәүкәт Гарәфетдин улы Гаязов белән әңгәмәне 31 май көнне «Кайтаваз» радиосы эфирында тыңларга мөмкин. Эфир вакыты: 13.00–14.00 сәг..