✨✨✨Российскай Федерация, Саха АССР культураларын үтүөлээх үлэһитэ, РСФСР, ЯАССР, СССР н... — 25 мая 2026 г. в 04:14:17.383
✨✨✨Российскай Федерация, Саха АССР культураларын үтүөлээх үлэһитэ, РСФСР, ЯАССР, СССР норуотун үөрэхтээһиҥҥэ туйгуна, "Россия чулуу киһитэ" анал аат хаһаайына, Россия суруналыыстарын сойууһун чилиэнэ, Уус Алдан улууһун, Мүрү, Найахы нэһилиэктэрин бочуоттаах олохтооҕо Василий Степанович 81 сааскын туолар өрөгөйдөөх күҥҥүнэн ис сүрэхтэн төлөннөөх эҕэрдэбитин тиэрдэбит! 👏👏👏Эн үйэ аҥарыттан ордук кэмҥэ сахабыт сирин тыйыс тымныытын курдук модун куустээх ис санааҕынан, саха саргытын салайар кэлэр кэнчээри ыччаты, култуура кэрэ эйгэтигэр, ырыа алыбар угуйан, ситиһии сиэттэриилээх, кыайыылаах кынатыҥ анныгар иитэн такайан таһаарбыт улахан өҥөлөөххүн. Саха оҕотун академическай ырыаҕа үөрэтэн, уһуйан, фольклортан классикаҕа тиийэ толорор дэгиттэр талааннааҕын дакаастаан, аан бастаан Россияҕа, Союзка, аан дойдуга таһаарбыт биллиилээх, хатыламмат хормейстер буоларгынан киэн туттабыт! ✊🎉🎉🎉Убаастыыр киһибитигэр олох кэрэ эйгэтигэр сирдээбитин иһин Эйиэхэ ис сүрэхтэн сүгүрүйэн туран, улахан махталбытын тиэрдэбит!👏 🎉🎉🎉Санаабытыҥ сатана турдун, толкуйдаабытыҥ толору туола турдун, чиргэл тиит мастыы - чэгиэн доруобуйаны! Инники айар үлэҥ айыыттан алҕанан кыайыы кынаттаах буоллун! 🙌✊✨