Экологическай десант Юннатскай станцияҕа: Тулалыыр эйгэни харыстааһын күнэ эдэр натурал... — 6 июня 2026 г. в 02:40:56.943
Экологическай десант Юннатскай станцияҕа: Тулалыыр эйгэни харыстааһын күнэ эдэр натуралистары түмтэ. Бэс ыйын 5 күнүгэр, тулалыыр эйгэни харыстааһын аан дойдутааҕы күнүгэр, эдэр натуралистар станцияларыгар Өрөспүүбүлүкэтээҕи лицей-интернат ыалдьыттарын көрүстэ. «Алаас эйгэтэ» бырайыак (ааптар – Местникова А.Е.) чэрчитинэн станцияҕа үс төрөппүт уонна 12 билсиэн-көрүөн баҕалаах оҕо кэллилэр. Ыалдьыттыы кэлбит дьон бырагыраамата олус киэҥ уонна интэриэһинэй буолла. Кинилэр айылҕа уонна экология дьикти эйгэтигэр дириҥник киирдилэр: Кыылы-харамайы кытта билсии: Кыттааччылар кыылы иитэр муннукка сылдьан, кини олохтоохторун кытта алтыстылар. Историко-экологическай быыстапка: Эколог күнүн чиэһигэр Винокуров Алексей Алексеевис айылҕа нэһилиэстибэтигэр анаммыт значоктарын коллекциятын быыстапката тэрилиннэ. Эдэр туристар оскуолалара: Ефремов Семен Семенович салалтатынан оҕолор туризм төрдүгэр үөрэннилэр, туристическай узеллары баайыы сатабылыгар уһуйулуннулар. Билии-көрүү экскурсията: Жиркова Альбина Васильевна станция территориятынан киэҥ хабааннаах экскурсияны ыытан, ыалдьыттар эдэр натуралист станция үлэтин уонна ситиһиилэрин туһунан билистилэр. Станция истиҥ сыһыана уонна толору ис хоһоонноох бырагыраамата оҕолорго элбэх үтүө өйдөбүлү хаалларда. Тулалыыр эйгэни харыстааһыҥҥа улахан суолталаах тэрээһини тэрийбиттэригэр,көрсүбүтүгэр эдэр натуралистар станцияларын директорыгар, Шамаева Таисия Дмитриевна5а барҕа махталларын тиэртилэр.