Бу мин дойдум - төрүт түөлбэм — 8 июня 2026 г. в 22:40:23.420
Бу мин дойдум - төрүт түөлбэм Мин киэн туттар - түһүлгэм, Дьолбун тустуур - суолбун сирдиир Айар-тутар аартыгым Ахтар-саныыр Дьеппенум... Ыччаттардыын ыксаласпыт, эмэннэрдиин эҥээрдэспит, үлэ-үөрүү үктэллээх Күөрдэм нэһилиэгэ үтүө-мааны үлэһит дьоннордоох, кэтит кэскил кэнчээри ыччаттардаах! Ыам ыйын 23 күнүгэр А.М.Сидорова аат. Ситим КК айар-тутар аргыстаах “Дьоллоох түөлбэ – Күөрдэм сирэ” түөлбэлэр икки ардыларыгар уус-уран самодеятельность көрүү күрэҕэ, сомоҕо ырыа-үҥкүү түһүлгэтин кэнсиэрэ буолан ааста. 2-Дьөппөн нэһилиэгэр 4 түөлбэ баар. Сарыал түөлбэ салайааччыта Александрова Олеся Викторовна, Аргыс түөлбэ салайааччыта Львова Айталина Алексеевна, Чолбон түөлбэ салайааччыта Михайлова Вероника Ильинична, Эрчим түөлбэ салайааччыта Федорова Каролина Петровна. Олус диэн сэргэх кэнсиэрт буолла. Саҥаттан саҥа чаҕылхай ырыалар, үҥкүүлэр, сценкалар, фольклорнай туруоруулары, Күөрдэм сувенирдарын быыстапкатын көрдүбүт, астынныбыт. Кыттыны ылбыт түөлбэлэргэ, салайааччыларга махталбытын тиэрдэбит. Уостубат уйгулаах олохтонуҥ, быстыбат быйаҥнаах буолун диэн баҕа санаабыт бастыҥын тиэрдэбит! Киирбит үп биир биир дойдулаахтарбытыгар ананар. “Дьоллоох түөлбэ – Күөрдэм сирэ” - хомоҕой хоһооҥҥо холбостун, ылбаҕай ырыаҕа ылланнын, биһиги дойдубут тапталлаах туонабыт үйэттэн үйэҕэ чэлгийдин! Майя Свинобоева