Улуу Кыайыы 81 сылыгар аналлаах тэрээһиннэргэ 2 Дьөппөн олохтоохторо көхтөөхтүк кытынны... — 11 мая 2026 г. в 02:11:17.581
Улуу Кыайыы 81 сылыгар аналлаах тэрээһиннэргэ 2 Дьөппөн олохтоохторо көхтөөхтүк кытыннылар. Акциялар, субуотунньуктар тэрилиннилэр. Түөлбэлэр, үлэ тэрилтэлэрэ памятниктары, суоллары ыраастааһыҥҥа таҕыстылар. Хас биирдии бэтэрээҥҥэ, байыаннай дьайыы кыттыылаахтарын дьиэ кэргэттэригэр Кыайыы күнүнэн эҕэрдэлээн бэлэхтэрин туттардылар. Уонна ыам ыйын 9 күнүгэр сааскылыы ылааҥы чаҕылхай күҥҥэ Кыайыы былааҕын өрө көтөҕөн, сэлэлээн хаамыыга, митиҥҥэ кытыннылар. Сылтан сыл оскуолабыт оҕолорун бэтэрээҥҥэ аныыр уус уран ааҕыылара, ырыалара, стройдаан хаамыылара тупсар. Быйыл ол сиэринэн уолаттар биир дойдулаахпыт Иван Саввин, сэрии кыттыылааҕын хоһоонун аахтылар, сэрии кыттыылаахтарын сиэннэрэ харда тылларын эттилэр, хоһоон ырыа бэлэхтээтилэр. Бу күн култуура киинигэр бэтэрээннэрбитигэр анаан "Дорообо, маай" итии чэйдээх эҕэрдэ концерт турда, үлэ тэрилтэлэрэ кыайан кэлбэт кырдьаҕастарга анал бэлэхтэрин туттардылар. Киэһэтин " Ырыа ыллыгынан, үҥкүү түһүлгэтинэн" диэн саҥа ааттары, талааннары арыйар сыаллаах бырайыак сүрэхтэннэ. Бастакы долгутуулаах ырыаҕа, үҥкүүгэ холонуулар буоллулар. Онон Дьөппөн үрдүнэн сыана саҥа сулустара умайдылар. Кыайыы сааһа үүммүтүнэн! Сэрии сэтэрээбэтин, эйэ олохтоннун!