Мегино-Кангаласский краеведческий музей имени Романа Гаврильевича Васильева
Образование · 24 июня 2026 г.
МАХТАНАБЫТ! — 24 июня 2026 г. в 06:05:02.608
МАХТАНАБЫТ! "Саха сирин тимир суоллара" хампаанньа түмэлбит хранилищетыгар анаан 40-наах контейнеры бэлэх уунна. Хампаанньа салайааччытыгар Василий Шимохиҥҥа, улууспут баһылыгар Дмитрий Тихоновка, Аллараа Бэстээх станция начаалынньыгар Анатолий Бородиҥҥа, солбуйааччытыгар Василий Михайловка, кэлэктиипкэ, суоппарбытыгар, барҕа махталбытын тиэрдэбит. Түмэлбит сирэ олус сымнаҕас буолан, үгүс харгыстары көрүстүбүт. Ол да буоллар контейнербыт тэлгэһэҕэ киирэн турда. АЯМ ассоциациятыттан уопуттаах суоппар Владислав Оконешников тиэйэн аҕалла. Улахан көмө буолбут "Мегинострой" тэрилтэ салайааччытыгар Николай Докторовка, главнай механик Айал Яковлевка, крановщик Тимур Болуровка, тракторист Василий Федоровка, суоппар Айсен Сергеевкэ, бары үлэһиттэргэ улахан-улахан махтал буолуохтун. Биһиэхэ утары баран, күүстээх үлэлэриттэн быыс булан контейнеры көтөҕөн түһэрэрбитигэр улахан көмө буоллулар. Үлэһит эр бэртэрэ түмсэн, харгыстары туоратарга киэһэ хойукка диэри үлэ буолла. Күүс-көмө буолбут дьоммутугар барыгытыгар муҥура суох махтал! Үтүөҕүт үтүөнэн, ситиһиинэн эргиллэн кэллин, тус бэйэҕитигэр, дьиэ кэргэҥҥитигэр дьолу, чэгиэн доруобуйаны баҕарабыт. Этэҥҥэ буолуҥ, Үрүҥ Тунах Ыһыахтарынан! Махталы кытта, түмэл кэлэктиибэ. Бэс ыйын 23 күнэ, 2026 с.