Мегино-Кангаласский краеведческий музей имени Романа Гаврильевича Васильева
Образование · 14 июля 2026 г.
Бүгүн от ыйын 14 күнүгэр Мэҥэ Хаҥалас улууһугар дендохронология (мас силиһин сыллааҕы т... — 14 июля 2026 г. в 15:46:33.108
Бүгүн от ыйын 14 күнүгэр Мэҥэ Хаҥалас улууһугар дендохронология (мас силиһин сыллааҕы төгүрүмтэлэрин үөрэтии) нөҥүө былыргы тутуулар саастарын быһаарар научнай чинчийиилэр ыытылыннылар. Бастатан туран Иван Пономарев туттарбыт башнятыгар үлэ ыытылынна. Биһи билэрбитинэн, 1830 сыллаах тутуу дэһэбит. Сорох учуонайдар этэллэринэн, эрдэтээҥҥи тутуу буолуо диэн сабаҕалыыллар. Ону чопчулуур уонна дьиҥнээхтик түмүк оҥорор сыалтан - анал билиилээх учуонайы ыҥыран, боруоба ылылынна. Иккиһинэн, Дьабыыл сиригэр баар Ампаардаах диэн алааска «Кыргыс ампаара» диэн тутууну көрөн - истэн, чинчийии түмүгүнэн, хас сыллардаахха тутуллубутун эмиэ чахчы быһаарыы үлэтэ ыытылынна. Экспедиция кыттыылаахтара: көҕүлээччи, нэһилиэстибэ объектарын харыстыыр управление салайааччыта Макаров Николай Афанасьевич, СӨ биллиилээх археолога, биир дойдулаахпыт Прокопьева Александра Николаевна, ХИФУ научнай сотруднига Колмогоров Алексей Иванович, СӨ биллиилээх этнографа Васильев Валерий Егорович, улууспут кыраайы үөрэтэр түмэлин үлэһитэ Эверстов Александр Владимирович үлэни ыыттылар. Ылыллыбыт боруобалар анал институтка ыытыллан, бу сыл бүтүүтэ быһаарыылаах түмүгүн күүтэбит.