🏫 Оскуолаҕа бэлэхтээх кэллилэр — 29 июля 2026 г. в 08:13:15.140
🏫 Оскуолаҕа бэлэхтээх кэллилэр ☀️ От ыйын 27 күнүгэр, сайыммыт силигилии ситэн турар биир маанылаах куйаас күнүгэр, Майатааҕы В.П.Ларионов аатынан оскуола кэлэктиибигэр дьоро күн буолла. Бу күн ыраахтан-чугастан мустан, Майа орто оскуолатын 1966 с. бүтэрбиттэр 60 сыллаах үбүлүөйдэринэн ииппит-үөрэппит, олох киэҥ аартыгар атаарбыт оскуолаларыгар кэрэ оҥоһуулаах, “Үөрэммит оскуолабытыгар 1966 сыллаахха 10 “а”, “б”, “в” кылаастары бүтэрбиттэр, 2026 сыл” диэн бэлиэ суруктаах тимир ыскамыайка бэлэхтээх кэллилэр. 🤝 Өр сылларга көрсүспэтэх оскуолатааҕы доҕоттор оҕо саас сылаас ахтылҕанынан угуттанан, иһирэх иэйиигэ куустардылар. 60 сыл анараа өттүгэр оскуола боруогуттан олох киэҥ аартыгар үктэммит уолаттар, кыргыттар билигин оҕо-уруу тэнитэн, сиэн, хос сиэн тапталын билбит, баһылаабыт идэлэринэн тахсыылаахтык үлэлээбит дьоһун саастаах дьон буолан, бочуоттаах сынньалаҥҥа олороллор. 🎊 Сайыҥҥы кэмҥэ учууталлар уоппускаларыгар сылдьар да буоллаллар, күндү ыалдьыттары оскуола дириэктэрэ Павел Васильевич Васильев, дириэктэри үөрэх чааһыгар солбуйааччы Маргарита Климентьевна Афанасьева, оскуола мусуойун сэбиэдиссэйэ Ирина Афанасьевна Маркова уонна эдэр үлэһиттэр үөрэ-көтө көрүстүлэр. ➡️➡️➡️ Сиһилии: https://xn--h1abcx8dca.xn--p1ai/oskuola%d2%95a-belehteeh-kelliler/ @gazetaerkeii @ulusmedia