ВО

Вестник образования Мегино-Кангаласского улуса

Госорганы и учреждения · 1 сентября 2026 г.

Открыть канал в MAX

Балаҕан ыйын 1 күнүгэр, Бырама сүрүн уопсай үөрэхтээһин оскуолатыгар “Билии күнүн” үөрү...

Балаҕан ыйын 1 күнүгэр, Бырама сүрүн уопсай үөрэхтээһин оскуолатыгар “Билии күнүн” үөрүүлээх линейката буолан ааста. Көмүс күһүммүт тиийэн кэлэн, оскуолабыт аанын үөрэнээччилэргэ тэлэччи аста. Оскуолабыт барахсан оҕо чуопчаарар саҥатынан туолла. Быйыл Бырама сүрүн уопсай үөрэхтээһин оскуолатын боруогун 4 кырачаан оҕо атыллаатылар. Кинилэри кылаас салайааччыта Наина Ивановна Ларионова үөрэ-долгуйа көрүстэ. Кырачааннары оскуола директора Афанасий Васильевич Ефимов, олохтоох дьаһалта баһылыга Гаврил Степанович Ефимов, улуустааҕы социальнай салалта салайааччыта Иван Иванович Шестаков, улуустааҕы IT-куб салайааччыта Ефремов Яков Яковлевич эҕэрдэлээтилэр, бэлэхтэрин туттурдылар. Кырачааннар оскуолаҕа киирбит үөрүүлэриттэн хоһоон, ырыа бэлэх ууннулар, бүгүн болҕомто киинигэр сырыттылар. Быйылгы выпускниктарбыт, 9 кылаастар, дьоһуннук туттан, эппиэтинэс ылынан бэйэлэрин эҕэрдэлэрин хоһоон гынан тиэртилэр. Оскуолаҕа саҥа киирээччилэргэ бэйэлэрин баҕа санааларын суруйан туттардылар. Билии күнүн «Чуораанын» маҥнайгы кылаас боруогун атыллаабыт Попова Кыыдаана уонна оскуола биир бастыҥ үөрэнээччитэ, быйылгы выпускникпыт Попов Мичил тыаһатар чиэскэ тигистилэр. Үүммүт саҥа үөрэх дьыла барыбытыгар саҥа саҕахтары, үрдүк ситиһиилэри аҕаллын!