📚 Балаҕан ыйынааҕы сүбэ мунньах салҕанар: Учууталлар учууталлара кинигэтин сүрэхтэниитэ — 10 сентября 2026 г. в 09:39:05.492
📚 Балаҕан ыйынааҕы сүбэ мунньах салҕанар: Учууталлар учууталлара кинигэтин сүрэхтэниитэ Балаҕан ыйынааҕы үөрэх үлэһиттэрин сүбэ мунньахтарын чэрчитинэн, биллиилээх педагог, краевед, фольклорист уонна уопсастыбаннай диэйэтэл Аполлон Михайлович Апросимов «Тирэх цитаталар» диэн саҥа кинигэтин сүрэхтэниитэ буолан ааста. Учууталлар учууталлара, ытыктабыллаах Аполлон Михайлович олоҕун саха тылын уонна литературатын үөрэтиигэ, төрүччүнү чинчийиигэ Г.В. Поповтыын «Саха сирин улуустарын нэһилиэктэринэн төрүччүтэ» кинигэни, ону тэҥэ төрөөбүт Моорук нэһилиэгэр литературнай мусуойу тэрийэн, бэриниилээхтик үлэлээн кэллэ. Кинигэ аан тылыттан: 💬 «Цитаталарбын үс бөлөххө арааран оҥордум. Маҥнайгы бөлөххө сүнньүнэн суруйааччы айар үлэтигэр быһаччы сыһыаннаах кинигэлэртэн, ыстатыйалартан цитаталар киирдилэр. Иккис бөлөххө – суруйааччы олоҕор, искусствоҕа, литератураҕа сыһыаннаах матырыйааллар. Үһүскэ – матырыйаал төһө баарынан суруйааччыга эбэтэр кини айымньыларыгар сыһыаннаах бэрт аҕыйах шаржтар, найааннар, көрдөөх хоһооннор киирдилэр. Үлэ төһө туһалааҕын биир идэлээхтэрим биһирэбиллэрэ быһаарыахтын!» Аполлон Михайлович бүтүн Сахабыт сирэ киэн туттар баай уопута, сүҥкэн нэһилиэстибэтэ өссө ордук сыаналана, кэрэхсэнэ туруоҕа. Кини олоҕун суола кэлэр көлүөнэҕэ холобур буолар! #БалаҕанЫйынааҕыСүбэМунньах #МегиноКангаласскийУлус #АпросимовАП #УчууталларУчууталлара #ТирэхЦитаталар #СахаТыла #Үөрэхтээһин #СуолаМузейа