Саҥа искибиэргэ Учуутал күнүн көрсө.
Саҥа искибиэргэ Учуутал күнүн көрсө. Алтынньы 5 күнүгэр Төҥүлү нэһилиэгэр "Учуутал уонна үөрэнээччи" искибиэрэ арылынна. Бу искибиэр нэһилиэнньэ куоластааһынынан уонна "Тупсаҕай эйгэлээх куораты тэрийии" федеральнай бырагыраама чэрчитинэн, "Тимир-строй" уонна "ПИК" тэрилтэлэр үлэни ситиһиилээхтик түмүктээтилэр. Искибиэр урукку оскуола уобараһын санатар, ордук оҕолорго, эдэр ыалларга, ыччакка уонна учууталларга анаан, уруккуну, билиҥҥини уонна инникини ситимниир, оскуола устуоруйатын кэрэһилиир ураты сир оҥоһуллунна. Үөрүүлээх тэрээһиҥҥэ кыттыыны ыллылар: • СӨ Ил Дарханын архитектураҕа уонна градостроительствоҕа управлениятын сүрүннүүр исписэлииһэ Майя Стручкова. • Мэҥэ Хаҥалас улууһун баһылыгын инфраструктура уонна ОДьКХ боппуруостарыгар солбуйааччы Василий Филиппов •Нэһилиэк баһылыга Петр Эверстов •Улуус үөрэҕин салалтатын салайааччыта Ирина Плотникова • "ПИК" хааччахтаммыт эппиэтинэстээх тэрилтэ салайааччыта Юрий Борисов. •Оскуола дириэктэрэ Семен Десяткин •Педагогическай үлэ бэтэрээнэ, "Учууталлар учууталлара", нэһилиэк бочуоттаах олохтооҕо Варвара Яковлева "Учуутал уонна үөрэнээччи" искибиэрэ оскуола устуоруйатын кэрэһитэ буолан, кэнчээри ыччаты үтүөҕэ түстүү, сырдыкка саҕа турдун!